நடிகை கெளதமியின் மகள் சுப்பலக்ஷ்மி வெளியிட்டுள்ள புகைப்படங்கள் இணையத்தில் பலரால் பகிரப்பட்டு வருகிறது.
தமிழ்த் திரையுலகில் ரஜினி, கமல் போன்ற முன்னணி நடிகர்களுன் நடித்தவர் கெளதமி. இவருக்கு சுப்பலக்ஷ்மி என்ற மகள் உள்ளார்.
24 வயதாகும் சுப்பலக்ஷ்மி சமூக வலைதளங்களில் மிகவும் சுறுசுறுப்பாக இயங்கக்கூடியவர். இவர் தனது இன்ஸ்டாகிராம் பக்கத்தில் வெளியிடும் படங்களுக்கு ஏராளமான ரசிகர்கள் உள்ளனர்.
தனது அம்மா கெளதமியுடன் புகைப்படங்களை வெளியிடும் சுப்பலக்ஷ்மி, தற்போது தனியாக போட்டோஷீட் நடத்தியுள்ளார்.
அதிக அளவு ஆடம்பரம் இல்லாமல் எளிமையான உடையில் அவர் வெளியிட்டுள்ள படங்கள் ரசிகர்களை வெகுவாகக் கவர்ந்துள்ளது. கரும்பச்சை நிற உடையில் புகைப்படங்களைப் பதிவேற்றியுள்ள அவர், என் தலைமுடியில் எத்தனை நிறங்கள் உள்ளன எனக் கேள்வி எழுப்பியுள்ளார்.
இதற்கு ரசிகர்கள் பலர் பதிலளித்து வருகின்றனர். அதில், சிலர், சுப்பலக்ஷ்மி பார்ப்பதற்கு மாதுரி தீக்ஷித் மாதிரியே இருப்பதாகவும், விரைவில் திரையுலகில் நாயகியாக ஜொலிப்பார் என்றும் குறிப்பிட்டுள்ளனர்.