பிரபல தெலுங்கு இயக்குநர் வம்சி இயக்கத்தில் நடிகர் விஜய் நடித்துள்ள திரைப்படம் 'வாரிசு'. இந்தப் படத்தில் நடிகை ராஷ்மிகா மந்தனா விஜய்க்கு ஜோடியாக நடித்துள்ளார். சங்கீதா, ஷியாம், பிரகாஷ்ராஜ் உள்ளிட்டோர் முக்கியமான கதாபாத்திரத்தில் நடித்துள்ளனர்.
பொங்கலுக்கு வெளியாகும் இப்படத்துக்கு இசையமைப்பாளர் தமன் இசையமைத்துள்ளார். முதல் பாடல் ரஞ்சிதமே 100 மில்லியன் (10 கோடி) பார்வையாளர்களையும், இரண்டாவது பாடல் ‘தீ தளபதி’ 30 மில்லியன் (3கோடி) பார்வையாளர்களையும் யூடியூபில் சமீபத்தில் கடந்துள்ளது குறிப்பிடத்தக்கது.
இசை வெளியீட்டு விழா டிசம்பர் 24 மாலை 4 மணிக்கு சென்னை நேரு உள்விளையாட்டு அரங்கில் பிரமாண்டமாக நடைபெற்றது.
படத்திற்கு தணிக்கைச் சான்றிதழ் யு கிடைத்துள்ளது. ரன்னிங் டைம் 2 மணி நேரம் 49 நிமிடங்கள் என தகவல் வெளியாகியுள்ளது.
தற்போது இலங்கை பிவிஆர் தியேட்டர்களில் வாரிசு திரைப்படம் ஜனவரி 12ஆம் நாளுக்கான முன்பதிவு தொடங்கியுள்ளது. எனவே வாரிசு திரைப்படம் 12ஆம் தேதி வெளியாவது உறுதியாகியுள்ளதாக சமூக வலைதளங்களில் தகவல் வெளியாகியுள்ளது.