லோகேஷ் படத்தில் இறக்க விரும்புகிறேன்: அனுராக் காஷ்யப்

லோகேஷ் கனகராஜ் படத்தில் சாக விரும்புவதாக பிரபல பாலிவுட் இயக்குநர் அனுராக் காஷ்யப் தெரிவித்துள்ளார்.

ஹிந்தி சினிமாவில் பல்வேறு சோதனை முதற்சிகளை மேற்கொள்ளும் இயக்குநர் அனுராக் காஷ்யப். இவரது படங்கள் பல்வேறு சர்வதேச திரைப்பட விழாக்களில் திரையிடப்பட்டு விருதுகளைப் பெற்றுள்ளது.

இவர் இயக்கத்தில் வெளிவந்த ‘கேங்க்ஸ் ஆஃப் வாசிப்பூர்’, ‘ராமன் ராகவ்’, ’பிளாக் ஃப்ரைடே’ ஆகிய படங்கள் விமர்சகர்களால் பாராட்டுக்களைப் பெற்றது. தமிழில் ‘இமைக்கா நொடிகள்’ படத்தில் வில்லனாகவும் நடித்து அசத்தியிருந்தார்.

இதையும் படிக்க: த்ரிஷ்யம் 3: மலையாளம், ஹிந்தி ஒரே நேரத்தில் படப்பிடிப்பு?

இவரது அடுத்த படமான ‘கென்னடி’ விரைவில் திரைக்கு வர இருக்கிறது.

இந்நிலையில், இயக்குநர் அனுராக் சமீபத்தில் அளித்திருந்த பேட்டி ஒன்றில், ‘லோகேஷ் கனகராஜ் யுனிவர்ஸ் படங்களில் பெரிய கதாபாத்திரம் தேவையில்லை என்றாலும் புகழைப் பெரும் அளவிற்கு அவர் இயக்கத்தில் ஒரு சாகும் காட்சியில் நடிக்க வேண்டும்.’ எனத் தெரிவித்துள்ளார்.