சிவகார்த்திகேயனுக்கு நான்தான் வில்லன்: மிஷ்கின் அதிரடி! 

இயக்குநர் மடோன் அஸ்வின் இயக்கத்தில் சிவகார்த்திகேயன் நடிப்பில் உருவாகிவரும் திரைப்படம் மாவீரன். இப்படத்தின் நாயகியாக அதிதி ஷங்கர் நடிக்கிறார். முக்கிய கதாபாத்திரங்களில் மிஷ்கின், சரிதா, யோகிபாபு போன்றோர் நடிக்கிறார்கள்.  இப்படத்திற்கு பரத் சங்கர் இசையமைக்கிறார். 

இதையும் படிக்க: கீர்த்தி சுரேஷ் திருமண வதந்திக்கு முற்றுப்புள்ளி! 

மடோன் அஸ்வின் இயக்கிய மண்டேலா படத்தில் யோகிபாபு கதாநாயகனாக நடித்தார். இந்தப் படம் தேசிய விருது வாங்கியது. விமர்சன ரீதியாகவும் நல்ல வரவேற்பினை பெற்றது குறிப்பிடத்தக்கது. 

இதையும் படிக்க: எனது மனைவியின் சிறந்த திரைப்படம் இதுதான்: அபிஷேக் பச்சன் அதிரடி கருத்து!

ஜூலை 14ஆம் நாள் திரையரங்குகளில் வெளியாக உள்ளது. இந்நிலையில் நேர்காணல் ஒன்றில் மிஷ்கின் கூறியதாவது: 

லியோவில் சிறிய எதிர்மறையான கதாபாத்திரம் செய்துள்ளேன். ஆனால் சிவகார்த்திகேயனுக்கு மாவீரனில் நான்தான் முக்கியமான வில்லன். சிவகார்த்திகேயனை செம்மையாக அடித்து விட்டேன். வேஷ்டி சட்டையில் கலக்கியிருக்கிறேன். சிவகார்த்திகேயன் மிகவும் கடினமாக உழைத்திருக்கிறார். எனக்கு அவரை மிகவும் பிடித்துவிட்டது. படம் கண்டிப்பாக ஹிட்டாகும்.