மலையாளத்தில் கடந்த செப்.28 ஆம் தேதி வெளியான திரைப்படம் கண்ணூர் ஸ்குவாட். ராபி வர்கீஸ் ராஜ் இயக்கத்தில் மம்மூட்டி நடிப்பில் கிரைம் திரில்லர் பாணியில் உருவான இப்படம் ரசிகர்களைக் கவர்ந்து வருகிறது.
தமிழில் வெளியான கார்த்தியின் தீரன் படத்தைப் போன்றே குற்றவாளிகளைக் கண்டுபிடிக்க வடமாநிலம் செல்லும் காவல்துறை குழுவைப் பற்றியது கண்ணூர் ஸ்குவாட்.
இதையும் படிக்க: கேப்டன் மில்லர்: முக்கிய கதாபாத்திரத்தில் அதிதி பாலன்!
இப்படம் உலகளவில் இதுவரை ரூ.70 கோடி வசூலித்துள்ளதாகக் கூறப்படுகிறது. மம்மூட்டி கம்பெனி தயாரிப்பில் உருவான இப்படம் ரூ.100 கோடியை வசூலிக்கும் என எதிர்பார்க்கப்படுகிறது.
இந்நிலையில் படத்தின் வெற்றியை கொண்டாடும் விதமாக டீசரை வெளியிட்டுள்ள படக்குழு, “அனைத்து ரசிகர்களுக்கும் நன்றி; நமது கேரள படங்களுக்கு ஆதரவி தெரிவியுங்கள்” எனக் கூறியுள்ளது.