அன்னபூரணி வெளியீட்டுத் தேதி அறிவிப்பு!

பாலிவுட்டில் ஷாருக்கானுக்கு ஜோடியாக நயன்தாரா நடித்த ஜவான் திரைப்படம் வெளியாகி கலவையான விமரிசனங்களை பெற்றது. இதைத் தொடர்ந்து, ஜெயம் ரவிக்கு ஜோடியாக இவர் நடித்த இறைவனும் எதிர்பார்த்த வெற்றியைத் தரவில்லை.

தொடர்ந்து, நயன்தாரா முதன்மைக் கதாபாத்திரத்தில் நடிக்கும்  மண்ணாங்கட்டி எனப் பெயரிடப்பட்டுள்ள படத்தை டூட் விக்கி இயக்குகிறார். கோலமாவு கோகிலா படத்துக்கு பிறகு யோகிபாபு இப்படத்தில் நயன்தாராவுடன் நடிக்கிறார்.

இதையும் படிக்க: லியோ இதுவரை வசூல் - அதிகாரப்பூர்வ அறிவிப்பு!

மேலும், சமீபத்தில் நயன்தாராவின் 75-வது படம் அறிவிக்கப்பட்டது. அன்னபூரணி எனப் பெயரிடப்பட்டுள்ள இப்படத்தை நிலேஷ் கிருஷ்ணா இயக்குகிறார். டிரைடெண்ட் ஆர்ட்ஸ் ரவிந்திரன் தயாரிப்பில் உருவாகும் இப்படத்திற்கு தமன் இசையமைக்கிறார்.

இந்நிலையில், இப்படம் வருகிற டிச.1 ஆம் தேதி வெளியாகும் என தயாரிப்பு நிறுவனம் அறிவித்துள்ளது.