லோகேஷ் கனகராஜ் இயக்கத்தில் நடிகர் விஜய் நடித்துள்ள லியோ படம் இந்தாண்டு அக்டோபர் மாதம் திரைக்கு வருகிறது.
2017-ல் மாநகரம் படத்தின் மூலம் இயக்குநராக அறிமுகமான லோகேஷ் இதுவரை 5 படங்களே இயக்கியுள்ளார். ஆனால், இவர் படங்களின் தொடர் வெற்றிகளால் தமிழ் சினிமாவில் நட்சத்திர இயக்குநராக இருக்கிறார்.
தனிப்பட்ட முறையில் லோகேஷ் கனகராஜ் கார்கள் மீது மோகம் உள்ளவர். விக்ரம் படத்திற்கு முன் சொகுசு கார் ஒன்றை வைத்திருந்தார். அதன் வெற்றிக்குப் பின் கமல்ஹாசன் ரூ.65 லட்சம் மதிப்புள்ள லெக்ஸாஸ் கார் ஒன்றை லோகேஷ் கனகராஜ்க்கு பரிசளித்தார்.
இந்நிலையில், லியோ வெளியீட்டிற்கு முன்பே ரூ.1.70 கோடி மதிப்பிலான பிஎம்டபிள்யூ(BMW) 7 வரிசையிலான கார் ஒன்றை வாங்கியுள்ளார்.
இதையும் படிக்க: மாமன்னன் கதை எனக்குள் இருந்த ஆதங்கம்: ஏ.ஆர்.ரஹ்மான்
லோகேஷ் அடுத்ததாக ரஜினி - 171 படத்தையும் பின் ‘கைதி - 2’ படத்தையும் இயக்க உள்ளது குறிப்பிடத்தக்கது.