பிக் பாஸ் சீசன் 7 நிகழ்ச்சியில் கலந்து கொள்ளும் போட்டியாளர்கள் குறித்த தகவல்கள் இணையத்தில் பரவி வருகின்றன.
பிக் பாஸ் சீசன் 7 நிகழ்ச்சிக்கான முன்னோட்டம் வெளியாகியுள்ளது. இந்த சீசனையும் கமல்ஹாசன் தான் தொகுத்து வழங்குகிறார். இந்த முறை பிக் பாஸ் வீடு இரண்டாக பிரிக்கப்பட்டிருப்பதாக கமல் கூறும் இரண்டாவது முன்னோட்ட விடியோ வைரலாகியுள்ளது.
ஒரு வீட்டில் புதிய போட்டியாளர்களும், இன்னொரு வீட்டில் முந்தைய சீசன்களில் பங்கேற்றவர்களில் சிலரும் கலந்து கொள்ளவுள்ளதாக கூறப்படுகிறது.
இந்நிலையில், பிக் பாஸ் சீசன் 7 நிகழ்ச்சியில் பங்கேற்கும் போட்டியாளர்கள் குறித்த தகவல்கள் வெளியாகியுள்ளன.
நடிகை தர்ஷா குப்தா, அம்மு அபிராமி, நடிகர் அப்பாஸ், தொகுப்பாளர் ரக்ஷன், தொகுப்பாளினி ஜேக்லின், ஸ்ரீதர் மாஸ்டர், நடிகை ரச்சிதாவின் கணவர் தினேஷ், நடிகர் சந்தோஷ் பிரதாப், நடிகை ரேகா நாயர், நடிகர் பிரித்விராஜ்(பப்லு) உள்ளிட்டோர் கலந்து கொள்ளவுள்ளதாக தகவல்கள் வெளியாகியுள்ளது.
மேலும், பொது மக்களில் இருந்து கோவை பேருந்து ஓட்டுநர் ஷர்மிளா போட்டியாளராக கலந்து கொள்ளவுள்ளதாகவும் கூறப்படுகிறது.
இருப்பினும், போட்டியின் தொடக்க விழாவின்போது தான் போட்டியாளர்கள் குறித்த அதிகாரப்பூர்வ தகவல் வெளியாகும்.
இதையும் படிக்க | சென்னையில் ஜவான் இசை வெளியீட்டு விழா?
இந்த சீசன் அக்டோபர் 8 ஆம் தேதி பிரம்மாண்டமாக தொடக்க விழாவுடன் தொடங்கும் என்று எதிர்பார்க்கப்படுகிறது.