நடிகர் விஜய் - இயக்குநர் லோகேஷ் கனகராஜ் கூட்டணியில் உருவாகும் தளபதி 67 படத்தில் இயக்குநர் கெளதம் வாசுதேவ் இணைந்துள்ளதாக அதிகாரப்பூர்வமாக அறிவிக்கப்பட்டுள்ளது.
இதேபோன்று ஆக்ஷன் கிங் அர்ஜுன், விஜய்யுடன் இணைந்து நடிக்கவுள்ளார்.
தளபதி 67 படத்தில் நடிக்கும் நடிகர்கள் குறித்த தகவல்களை தயாரிப்பு நிறுவனமான செவன் ஸ்கிரீன் ஸ்டூடியோ அதிகாரப்பூர்வமாக அறிவித்து வருகிறது.
அந்தவகையில், தளபதி 67 படத்தில் பிரியா ஆனந்த், சஞ்சய் தத், மிஷ்கின், சாண்டி ஆகியோர் நடிகர்களாக நடிக்கவுள்ளதாக அறிவிக்கப்பட்டுள்ளது.
அதனைத் தொடர்ந்து கும்பளாங்கி நைட்ஸ் போன்ற மலையாள திரைப்படங்களில் நடித்த மேத்யுவ் தாமஸ் தளபதி 67 திரைப்படத்தில் இணைந்துள்ளார்.
அவர்களைத் தொடர்ந்து கெளதம் வாசுதேவ், ஆக்ஷன் கிங் அர்ஜுன் ஆகியோர் நடிகர்கள் பட்டியலில் இணைந்துள்ளனர்.