அனுஷ்காவின் மிஸ் ஷெட்டி மிஸ்டர் பொலிஷெட்டி: டிரைலர் அப்டேட்! 

தமிழ் மற்றும் தெலுங்கில் முன்னணியாக இருந்தவர் நடிகை அனுஷ்கா. தமிழில் ரஜனிகாந்த், அஜித், விஜய், சூர்யா என பெரும்பாலான முன்னணி நடிகர்களுக்கு ஜோடியாக நடித்துவிட்டார். குறிப்பாக பாகுபலி திரைப்படத்தின் வெற்றி அனுஷ்காவை இந்திய அளவில் பிரபலமான நடிகையாக்கியது. 

சமீபகாலமாக எந்த படத்திலும் நடிக்காமல் இருந்த அனுஷ்கா தற்போது மிஸ் ஷெட்டி மிஸ்டர் பொலிஷெட்டி என்ற படத்தில் நடித்துள்ளார். யுவி கிரியேஷன்ஸ் தயாரித்துள்ள இந்தப்படம் அனுஷ்காவின் 48வது படம் என்பது குறிப்பிடத்தக்கது. 

இதையும் படிக்க: யார் கமலின் பெரிய ரசிகர்? இந்த சண்டையில் சட்டை கிழியாது: லோகேஷை புகழ்ந்த கௌதம் மேனன்!

நிரவ் ஷா ஒளிப்பதிவில் பி.மகேஷ்பாபு இயக்கத்தில் அனுஷ்கா, நிவின் பாலிஷெட்டி இணைந்து நடிக்க உள்ளதாக தனது ட்விட்டர் பக்கத்தில் புதிய போஸ்டரை வெளியிட்டு அறிமுகப்படுத்துனார்கள். இந்த போஸ்டரில் சமையல் கலைஞராக இருக்கும் படம் வெளியாகியது. அதிக நாள்கள் ஆனாலும் இன்னும் அதேபோல் அழகாக இருப்பதாக ரசிகர்கள் கமெண்ட் செய்தனர். 

இதையும் படிக்க: சமந்தா- விஜய் தேவரகொண்டா இணைந்துள்ள குஷி படத்தின் புதிய அப்டேட்!  

இப்படத்தின் டீசர் சமீபத்தில் வெளியாகி வைரலானது. இந்தப் படத்தில் நவீன் பாலிஷெட்டி, அனுஷ்கா ஷெட்டி, ஜெய சுதா, முரளி ஷெர்மா ஆகியோர் முக்கிய கதாபாத்திரத்தில் நடித்துள்ளனர். மகேஷ் பாபு இப்படத்தை இயக்கியுள்ளார்.

இந்தப் படத்தின் டிரைலர் நாளை மதியம் 1.35 மணிக்கு படக்குழு தெரிவிக்க உள்ளதாக புதிய போஸ்டர் ஒன்றினை வெளியிட்டுள்ளது.