அர்ஜுன் ரெட்டி திரைப்படத்தின் மூலம் தென்னிந்திய சினிமாவில் பிரபலமான நடிகராக அறியப்பட்டார் விஜய் தேவரகொண்டா. இவரது 13வது திரைப்படம் குறித்த அப்டேட் வெளியாகியுள்ளது.
இதையும் படிக்க: பாயும் ஒளி நீ எனக்கு: புதிய அப்டேட்
2019இல் தெலுங்கில் வெளியான ‘ஜெர்ஸி’ திரைப்படத்தின் இயக்குநர் கௌதம் தின்னானுரியின் படத்தில் இணைந்துள்ளார் விஜய் தேவரகொண்டா. நானி நடிப்பில் அனிருத் இசையில் வெளியான ஜெர்ஸி திரைப்படம் தேசிய விருது வென்றது குறிப்பிடத்தக்கது. இது இவரது 12வது படமென சமீபத்தில் அறிவிக்கப்பட்டது. இது வெளியாகும்முன் தற்போது 13வது (விடி13) படம் குறித்த அப்டேட் வெளியாகியுள்ளது. எஸ்விசியின் 54வது படமாக இது தயாராக உள்ளது.
வாரிசு படத்தின் தயாரிப்பாளர் தில் ராஜூ தயாரிப்பில் பரசுராம் பெட்லா இயக்கத்தில் விஜய் தேவரகொண்டாவுடன் மிருணாள் தாக்குர் நடிக்கின்றனர். 2018இல் வெளியாகி அமோக வரவேற்பினை பெற்ற கீதா கோவிந்தம் படத்தினை இயக்கியவரும் இவர்தான் என்பது குறிப்பிடத்தக்கது. மேலும் ஆஸ்தான இசையமைப்பாளர் கோபி சுந்தரும் இந்தப் படத்தில் உள்ளார் என்பது குறிப்பிடத்தக்கது. இந்தப் படத்தின் பூஜை புகைப்படங்கள், விடியோக்களை படக்குழு வெளியிட்டுள்ளது. இந்தப் படங்கள் இணையத்தில் வைரலாகியுள்ளது.
விஜய் தேவரகொண்டா தற்போது சமந்தாவுடன் குஷி படத்தில் நடித்து வருகிறார். அடுத்து கௌதம் தின்னானுரியின் படத்திலும் நடித்து வருகிறார்.