அசலான சந்திரமுகியே கங்கனாதான்: ராகவா லாரன்ஸ் 

கடந்த 2005-ஆம் ஆண்டு ரஜினிகாந்த் நடிப்பில் பி.வாசு இயக்கத்தில் வெளியான சந்திரமுகி படத்தின் இரண்டாம் பாகத்தில் ராகவா லாரன்ஸ் நடித்துள்ளார். சந்திரமுகி திரைப்படம் 200 நாட்களுக்கு மேல் திரையரங்குகளில் காட்சிப்படுத்தப்பட்டு பெரும் வெற்றி பெற்றதோடு மிக அதிகமான வசூலையும் குவித்தது குறிப்பிடத்தக்கது.  

இதையும் படிக்க: 100 குடும்பங்களுக்கு தலா ரூ.1 லட்சம்: குஷி வெற்றிக்கு விஜய் தேவரகொண்டா அறிவிப்பு!

இந்நிலையில், லைகா புரடக்ஷன் தயாரிப்பில் ராகவா லாரன்ஸ் நடிப்பில் உருவாகியுள்ள சந்திரமுகி - 2 படத்திற்கு ஆஸ்கர் வென்ற எம்.எம்.கீரவாணி இசையமைக்கிறார். ஆர்.டி.ராஜசேகர் ஒளிப்பதிவு செய்துள்ளார். கலை - தோட்டா தரணி.  மேலும், கங்கனா ரணாவத், ராதிகா, ஸ்ருஷ்டி, நகைச்சுவை நடிகர் வடிவேலு முக்கியக் கதாபாத்திரங்களில் நடித்துள்ளனர்.

இதையும் படிக்க: சாதிய எதிர்ப்பு இயக்கத்தின் அடிப்படையே சனாதனம் ஒழிப்புதான்: அமைச்சர் உதயநிதிக்கு பா.ரஞ்சித் ஆதரவு! 

சமீபத்தில் இப்படத்தின் படப்பிடிப்பு நிறைவடைந்தது. மேலும், இப்படம் வருகிற விநாயகர் சதுர்த்தியை(செப்.15) முன்னிட்டு வெளியாகும் என படக்குழு அதிகாரப்பூர்வமாக தெரிவித்திருந்தது. 

இதையும் படிக்க: இவ்வளவு நாள் இந்தியா என்ற பெயர் பெருமை தரவில்லையா?: சேவாக்கிடம் விஷ்ணு விஷால் கேள்வி!

இதில் ஜோதிகா நடித்த சந்திரமுகி கதாபாத்திரமாக தேசிய விருது வென்ற நடிகை கங்கனா ரணாவத் நடித்துள்ளதால் ரசிகர்கள் மத்தியில் அதிக எதிர்பார்ப்புள்ளது. இந்நிலையில் செய்தியாளர் சந்திப்பில் நடிகர் ராகவா லாரன்ஸ் கூறியதாவது: 

எல்லோரும் ஜோதிகா மேடம் மாதிரியே கங்கனா மேடம் நடித்துள்ளாரா எனக் கேட்கிறார்கள். ஜோதிகாவையும் கங்கனாவையும் ஒப்பிடவே கூடாது. எனெனில் ஜோதிகா மேடம் தன்னை சந்திரமுகியாக நினைத்து நடித்துள்ளார். ஆனால் இங்கு கங்கனா மேடம்தான் ஒரிஜினல் சந்திரமுகியாக நடித்துள்ளார். சிறந்த நடிப்பினை கங்கனா ரணாவத் வெளிப்படுத்தியுள்ளார் எனக் கூறினார்.