வில்லனாக நடிக்கும் 'பாவம் கணேசன்' தொடரின் நவீன்!

விஜய் தொலைக்காட்சியில் ஒளிபரப்பாகவுள்ள புதிய தொடரில் நடிகர் நவீன் வில்லனாக நடிக்கவுள்ளார்.

விஜய் தொலைக்காட்சியில் ஒளிபரப்பான கலக்கப்போவது யாரு நிகழ்ச்சி மூலம் மக்களுக்கு அறிமுகமானவர் நடிகர் நவீன். பல பிரபலங்களின் குரலில் பேசி நடிப்பதன் மூலம் தனக்கென தனி ரசிகர் பட்டாளத்தை உருவாக்கியுள்ளார். 

விஜய் தொலைக்காட்சியின் பாவம் கணேசன் தொடரில் நாயகனாக நடிகர் நவீன் நடித்தார். அவ்வபோது திரைப்படங்களிலும் நடித்து வருகிறார். சூர்யாவின் சூரறைப் போற்று படத்தில் அப்துல் கலாம் பாத்திறத்திற்கு குரல் கொடுத்தவர் நவீன்தான்.

கலக்கப்போவது யாரு நிகழ்ச்சியின் இறுதிப்போட்டியில் அப்துல் கலாம் குரல் பேசி வென்றார். 

படிக்க | எதிர்நீச்சலை பின்னுக்குத்தள்ளிய கயல் சீரியல்! டிஆர்பியில் முதலிடம்!!

நவீன் தற்போது தாய் கிரியோஷன்ஸ் தயாரிப்பில் உருவாகும் புதிய தொடரில் வில்லனாக நடிக்கவுள்ளார். நீ நான் காதல் என இந்தத் தொடருக்கு பெயரிடப்பட்டுள்ளது. இந்தத் தொடர், தெலுங்கில் வெற்றிபெற்ற நுவ்வு நேனு பிரேமா தொடரிம் மறுவுருவாக்கம்.

படிக்க | மீண்டும் சீரியலுக்கு வரும் பிரியங்கா! ஒளிபரப்பு உரிமம் பெற்ற பிரபல டிவி!!

நடிகை சாய் காயத்ரி நாயகியாக நடிக்கிறார். இவர் கனா காணும் காலங்கள், ஈரமான ரோஜாவே, பாண்டியன் ஸ்டோர்ஸ் உள்ளிட்ட தொடர்களில் நடித்தவர். தற்போது நீ நான் காதல் தொடர் மூலம் நாயகியாக அறிமுகமாகிறார்.