நடிகர் சூர்யா தற்போது கங்குவா படத்தில் நடித்து வருகிறார். இதனைத் தொடர்ந்து, அவரின் 43-வது படத்தை இயக்குநர் சுதா கொங்காரா இயக்க உள்ளதாக தகவல் வெளியாகியிருந்தது.
முன்னதாக, சுதா கொங்காரா இயக்கிய ‘சூரரைப் போற்று’ படத்தில் நடித்து சிறந்த நடிகருக்கான தேசிய விருதை சூர்யா வென்றிருந்தார்.மீண்டும் இக்கூட்டணி இணைய உள்ளதால் எதிர்பார்ப்பு அதிகரித்துள்ளது.
இதையும் படிக்க: இவர்கள் எங்கள் வாழ்க்கையின் ஆசிர்வாதம்: விக்னேஷ் சிவன்
இந்நிலையில், லயோலா கல்லூரியில் நடைபெற்ற முன்னாள் மாணவர்கள் - ஆசிரியர்கள் சந்திப்பில் கலந்துகொண்ட சூர்யா தன் கல்லூரி பேராசிரியரை சந்தித்துள்ளார்.
அவருடனான புகைப்படத்தை இன்ஸ்டாகிராம் பக்கத்தில் பகிர்ந்த சூர்யா, “லயோலா கல்லூரி வணிகவியல் துறையின் தலைவராக(1995 பேட்ஜ்) இருந்த என் வழிகாட்டி, பேராசிரியர் டாக்டர்.எம்.ராபர்ட் அவர்களைச் சந்தித்து ஆசிகளைப் பெற்றது சிலிர்ப்பாக இருந்தது. உங்கள் பிராத்தனைகளுக்கு நன்றி சார்” எனப் பதிவிட்டுள்ளார்.