ஏ.ஆர். முருகதாஸ் இயக்கத்தில் சல்மான் கான்: அதிகாரபூர்வ அறிவிப்பு!

இயக்குநர் ஏ.ஆர். முருகதாஸ் இயக்கத்தில் பாலிவுட் நடிகர் சல்மான் கான் நடிக்க உள்ளது அதிகாரபூர்வமாக அறிவிக்கப்பட்டுள்ளது.

நடிகர் விஜய்க்கு துப்பாக்கி, கத்தி, சர்கார் என தொடர்ந்து வெற்றிப் படங்களை கொடுத்தவர் இயக்குநர் ஏ.ஆர்.முருகதாஸ். அவர் அடுத்து விஜய்யுடன் படம் இயக்குவதாக இருந்தது. பின்னர் அந்த பேச்சுவார்த்தை கைவிடவே தற்போது நடிகர் சிவகார்த்திகேயனுடன் இணைந்து படம் எடுத்து வருகிறார்.

தற்போது யாரும் எதிர்பார்க்காத வண்ணம் பிரபல ஹிந்தி நடிகர் சல்மான் கானுடன் இணைந்து படம் இயக்குகிறார் ஏ.ஆர். முருகதாஸ். இதன் அதிகாரபூர்வ அறிவிப்பு தற்போது வெளியாகியுள்ளது.

இந்தப் படத்துக்கு சிகந்தர் எனப் பெயரிடப்பட்டுள்ளது. இந்தப் படம் 2025 ரமலானுக்கு வெளியாகுமென போஸ்டரில் தெரிவிக்கப்பட்டுள்ளது. மேலும் நடிகர் சல்மான், இயக்குநர் முருகதாஸ் ரசிகர்களுக்கு ரமலான் வாழ்த்து தெரிவித்துள்ளார்.