கோட்: 3-ஆவது பாடல் எப்போது? அதிகாரபூர்வ அறிவிப்பு!

லியோ படத்தைத் தொடர்ந்து விஜய்யின் 68-வது படமான `கிரேட்டஸ்ட் ஆஃப் ஆல் டைம்ஸ்’ (G.O.A.T. - Greatest Of All Times) படத்தை வெங்கட் பிரபு இயக்கி வருகிறார்.

இதில் நடிகர்கள் ஜெயராம், பிரபு தேவா, மோகன், பிரஷாந்த், வைபவ், சினேகா, லைலா, மீனாட்சி சௌத்ரி உள்ளிட்டோர் நடிக்கின்றனர். படத்துக்கு யுவன் சங்கர் ராஜா இசையமைக்கிறார்.

முன்னதாக, விசில் போடு மற்றும் சின்னச் சின்ன கண்கள் ஆகிய இரண்டு பாடல்களைப் படக்குழுவினர் வெளியிட்டிருந்தனர்.

படத்தின் தயாரிப்பாளர் அர்ச்சனா கல்பாத்தி தற்போது புதிய அறிவிப்பை வெளியிட்டுள்ளார். அதில், 3ஆவது பாடல் ஆக.3ஆம் தேதி வெளியாகுமென அதிகாரபூர்வமாக அறிவித்துள்ளார்.

இந்தப் பாடல் குறித்து நாளை (ஆக.2) புதிய அப்டேட் வெளியாகுமெனவும் கூறியுள்ளார்.

இசையமைப்பாளர் யுவன், இயக்குநர் வெங்கட் பிரபுவின் தொல்லை தாங்கவில்லை என்று கிண்டல் செய்து நேற்று (ஜூலை 31) பதிவிட்டிருந்தது குறிப்பிடத்தக்கது.

நடிகர் விஜய் அடுத்த படத்தோடு சினிமாவில் இருந்து விலகுகிறார். அரசியலில் களமிறங்கவுள்ளதும் குறிப்பிடத்தக்கது.