கங்குவா விஎஃப்எக்ஸ் விருந்து? ரசிகர்கள் எதிர்பார்ப்பு!

கங்குவா திரைப்படத்தின் டிரைலர் நாளை (ஆக.12) வெளியாகிறது.

சிறுத்தை சிவா இயக்கத்தில் உருவாகி வரும் படம் 'கங்குவா'. இதில் சூர்யா நாயகனாக நடித்துள்ளார். அவருக்கு ஜோடியாக பாலிவுட் நடிகை திஷா படானியும் வில்லனாக நட்டி (நடராஜ்) நடித்துள்ளனர்.

மேலும் அனிமல் படத்தில் வில்லனாக நடித்து கவனம் ஈர்த்த நடிகர் பாபி தியோல் முக்கிய கதாபாத்திரத்தில் நடித்துள்ளார்.

படத்தை ஞானவேல் ராஜா தயாரிக்கிறார். தேவிஸ்ரீ பிரசாத் இசையமைக்கிறார். 3டியில் உருவாகும் இந்தப் படம் தமிழ், தெலுங்கு, இந்தி உட்பட 10 மொழிகளில் வெளியாக உள்ளது.

இந்தப் படத்தில் இரண்டு கதாபாத்திரங்களில் சூர்யா நடித்துள்ளதாக கூறப்படுகிறது. இரண்டு பாகங்களாகத் தயாராகிறது. முதல் பாகம் வரும் அக்டோபர் 10 ஆம் தேதி திரைக்கு வருகிறது. இதன் டிரைலர் நாளை (ஆக.12) நாள் வெளியாகுமென படக்குழு அறிவித்துள்ளது.

முழுக்கவே விஎஃப்எக்ஸ் உதவியால் உருவான இப்படத்தின் காட்சிகள் மிகப்பெரிய தாக்கத்தை ஏற்படுத்தும் என கூறப்படும் நிலையில், ரசிகர்கள் ஆவலாக கங்குவா டிரைலருக்கு காத்திருக்கின்றனர்.

போர்க்காட்சிகள், கதாபாத்திரங்களின் தோற்றம் என பல வகையிலும் கங்குவா வித்தியாசமான அனுபவத்தைக் கொடுக்கும் என்றே தெரிகிறது.