தி ஃபேமிலி மேன் - 3 படப்பிடிப்பு நிறைவு!

ஃபேமிலி மேன் - 3 இணையத் தொடரின் படப்பிடிப்பு நிறைவடைந்துள்ளது.

2019 செப்டம்பரில் அமேசான் பிரைம் ஓடிடியில் வெளியான தி ஃபேமிலி மேன் இணையத் தொடர் ரசிகர்களின் பாராட்டுகளைப் பெற்றது. மனோஜ் பாஜ்பாய், பிரியா மணி நடித்த இத்தொடரை ராஜ் & டி.கே. இயக்கியிருந்தார்கள்.

முதல் சீசனுக்கு கிடைத்த வரவேற்பால் தி ஃபேமிலி மேன் இணையத் தொடரின் 2-வது பாகம் உருவானது. இதுவும் ரசிகர்களிடம் பெரிதாகக் கவனம் பெற்றது.

இதையும் படிக்க: டிமான்டி காலனி - 3 பணிகள் துவக்கம்!

ஆனால், இலங்கைத் தமிழராக நடிகை சமந்தா நடித்ததற்காக சில சர்ச்சைகள் எழுந்தன. தமிழகத்தில் இந்த சீசனை புறக்கணிக்க வேண்டும் என்றும் ஒளிபரப்பக் கூடாது என்றும் பலர் போராட்டங்களை நடத்தினர். 

சில மாதங்களுக்கு முன், சீசன் - 3 தொடருக்கான படப்பிடிப்பை துவங்கினர். இந்த நிலையில், தற்போது மூன்றாம் சீசனுக்கான படப்பிடிப்பு முழுமையாக நிறைவடைந்துள்ளதாக அதிகாரப்பூர்வமாக அறிவித்துள்ளனர்.