சிவகார்த்திகேயனின் 21-வது படத்தின் பெயர் மற்றும் டீசர் வெளியாகியுள்ளது.
சிவகார்த்திகேயன் நடிப்பில் வெளியான அயலான் திரைப்படம் ரூ.90 கோடி வரை வசூலித்துள்ளதாகத் தகவல் வெளியானது. பொங்கல் வெளியீடாக திரைக்கு வந்த இப்படம் ரசிகர்களிடையே கலவையான விமரிசனங்களைப் பெற்றுது.
இதைத் தொடர்ந்து, சிவகார்த்திகேயன் தன் 21வது படமாக கமல்ஹாசன் தயாரிப்பில் ராஜ்குமார் பெரியசாமி இயக்கத்தில் நடித்து வருகிறார். சாய் பல்லவி நாயகியாக நடிக்கும் இப்படத்திற்கு ஜி.வி.பிரகாஷ்குமார் இசையமைக்கிறார்.
இப்படத்தின் படப்பிடிப்பு காஷ்மீர் மற்றும் சென்னையில் நடைபெற்று வருகிறது. சிவகார்த்திகேயனின் 21-வது படத்துக்கு அமரன் எனப் பெயரிடப்பட்டுள்ளது.
இந்த நிலையில், அமரன் படத்தின் டீசர் வெளியாகி இணையத்தில் வைரலாகி வருகிறது. இப்படத்தில் சிவகார்த்திகேயன் முகுந்த் என்ற பாத்திரத்தில் ராணுவ அதிகாரியாக நடிக்கிறார்.
