அயோத்தி ராமர் கோயிலுக்கு ஹனுமான் படக்குழுவினர் வழங்கிய நன்கொடை எவ்வளவு?

அயோத்தி ராமர் கோயிலுக்கு ஹனுமான் படக்குழுவினர் வழங்கிய நன்கொடை குறித்த தகவல் வெளியாகியுள்ளது.
அயோத்தி ராமர் கோயிலுக்கு ஹனுமான் படக்குழுவினர் வழங்கிய நன்கொடை எவ்வளவு?

அயோத்தி ராமர் கோயிலுக்கு ஹனுமான் படக்குழுவினர் வழங்கிய நன்கொடை குறித்த தகவல் வெளியாகியுள்ளது.

பிரைம்ஷோ என்டர்டெயின்மென்ட் தயாரிப்பில், இயக்குநர் பிரசாந்த் வர்மா இயக்கத்தில், நடிகர் தேஜா சஜ்ஜா நடிப்பில், பிரம்மாண்ட பான் இந்தியப் படைப்பாக உருவாகியுள்ள திரைப்படம் ஹனுமான்.   

பிரைம்ஷோ என்டர்டெயின்மென்ட்டின் கே. நிரஞ்சன் ரெட்டி இப்படத்தை தயாரித்துள்ளார். ஸ்ரீமதி சைதன்யா வழங்கியுள்ளார். இப்படம் பொங்கல் பண்டிகையை முன்னிட்டு ஜன. 12 ஆம் தேதி வெளியானது.

தெலுங்கு, ஹிந்தி, மராத்தி, தமிழ், கன்னடம், மலையாளம், ஆங்கிலம், ஸ்பானிஷ், கொரியன், சீனம் மற்றும் ஜப்பானியம் உள்ளிட்ட பல மொழிகளில் ஹனுமான் திரைப்படம் உலகளவில் வெளியாகி ரசிகர்களிடையே நல்ல வரவேற்பைப் பெற்று வருகிறது. இப்படம் ரூ. 200 கோடி வசூல் செய்ததாக படக்குழு அதிகாரப்பூர்வமாக தெரிவித்துள்ளது.

இப்படத்தில் தேஜா சஜ்ஜாவுக்கு ஜோடியாக அம்ரிதா ஐயர் கதாநாயகியாக நடித்துள்ளார். இப்படத்தில் வினய் ராய் வில்லனாகவும், வரலட்சுமி சரத்குமார் முக்கிய வேடத்திலும் நடித்துள்ளனர். 

ஹனுமான் படத்தின் ஒவ்வொரு டிக்கெட்களில் இருந்தும் ரூ.5 ராமர் கோயில் அறக்கட்டளைக்கு நிதியாக வழங்க இருப்பதாக ஹனுமான் படத்தின் ப்ரீ ரிலீஸ் விழாவில் படக்குழுவினர் தெரிவித்து இருந்தனர்.

இந்த நிலையில், இதுவரை விற்கப்பட்ட 53,28,211 டிக்கெட்டுகளில் இருந்து அயோத்தி ராமர் கோயிலுக்கு ரூ. 2,66,41,055  நன்கொடை வழங்கியுள்ளதாக படக்குழுவினர் போஸ்டர் வெளியிட்டுத் தெரிவித்துள்ளனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com