விஜய் சேதுபதிக்கு ஜோடியாகும் நித்யா மேனன்?

நடிகர் விஜய் சேதுபதியின் புதிய படத்தில் நித்யா மேனன் இணைந்துள்ளதாகத் தகவல்.

இயக்குநர் நித்திலன் சாமிநாதன் இயக்கத்தில் நடிகர் விஜய் சேதுபதி நடித்த மகாராஜா திரைப்படம் ரசிகர்கள் மற்றும் விமர்சகர்களிடையே பெரிய வரவேற்பைப் பெற்றுள்ளது.

தமிழ், தெலுங்கில் தயாரான இப்படத்தின் திரைக்கதை உருவாக்கமும் நடிகர்களின் நடிப்பும் பேசப்பட்டு வருகின்றன. இப்படம் ரூ.90 கோடி வரை வசூலித்துள்ளது.

தொடர்ந்து, விஜய் சேதுபதி நடிப்பில் உருவான ‘ஏஸ்’ திரைப்படம் திரைக்கு வருகிறது. இதற்கிடையே, அடுத்ததாக விஜய் சேதுபதி எந்த இயக்குநருடன் இணைய உள்ளார் என்கிற எதிர்பார்ப்பும் எழுந்தது.

இதற்கிடையே, விஜய் சேதுபதியின் புதிய படத்தை இயக்குநர் பாண்டிராஜ் இயக்கவுள்ளதாகத் தகவல் வெளியாகியிருந்தது. இந்த நிலையில், இப்படத்தில் விஜய் சேதுபதிக்கு ஜோடியாக நடிகை நித்யா மேனன் நடிக்கவுள்ளதாகக் கூறப்படுகிறது. இருவரும் இணைந்து மலையாளத்தில் 19 (1) (ஏ) என்கிற திரைப்படத்தில் நடித்திருந்தனர்.

இறுதியாக, பாண்டிராஜ் நடிகர் சூர்யாவை வைத்து இயக்கிய எதற்கும் துணிந்தவன் கலவையான விமர்சனங்களையே பெற்றது குறிப்பிடத்தக்கது.