ஏ.ஆர்.ரஹ்மான் தீம் மியூசிக் இந்தியன் 2 படத்திலும் தொடருமா?

நடிகர் கமல்ஹாசன் நடிப்பில் வெளியாகவுள்ள இந்தியன் 2 திரைப்படத்தின் சிறப்புக் காட்சியை திரையிட தமிழக அரசு அனுமதித்துள்ளது.

இயக்குநர் ஷங்கர் இயக்கிய இந்தியன் திரைப்படத்தின் இரண்டாவது பாகம் 28 ஆண்டுகள் கழித்து வெள்ளிக்கிழமை உலகம் முழுவதும் வெளியாகவுள்ளது.

இந்தப் படத்தில் கமலுடம், சித்தார்த், பாபி சிம்ஹா, விவேக், எஸ்.ஜே.சூர்யா, காஜல் அகர்வால், ரகுல் ப்ரீத் சிங் உள்ளிட்டோர் பிரதான வேடங்களில் நடித்துள்ளனர்.

இந்தப் படத்துக்கு அனிருத் இசையமைத்துள்ளார். முதல் பாகத்துக்கு ஏ.ஆர்.ரஹ்மான் இசையமைத்திருந்தார். அதில் சேனாபாதி கதாபாத்திரத்துக்கு அமைத்திருந்த தீம் மியூசிக்கை இந்தியன் 2 படத்திலும் பயன்படுத்தியிருப்பதாக ஷங்கர் தெரிவித்துள்ளார்.

ஏ.ஆர்.ரஹ்மான் உடன் ஷங்கர், அனிருத் இருக்கும் புகைப்படத்தை பகிர்ந்து, “அந்த பழைய நினைவுகள் எல்லாம் இருக்கிறது, சேனாபதியின் தீம் மியூசிக் இந்தியன் 2 படத்திலும் வரும். ரஹ்மான் அனிருத்துக்கு நன்றி” என ஷங்கர் இதனை உறுதிப்படுத்தியுள்ளார்.