கங்குவா படத்தில் ஆர்ஆர்ஆர் பட நடன இயக்குநர்!

இயக்குநர் சிவா இயக்கத்தில் உருவாகி வரும் படம் 'கங்குவா'. இதில் சூர்யா நாயகனாக நடித்துள்ளார். அவருக்கு ஜோடியாக பாலிவுட் நடிகை திஷா பதானியும் வில்லனாக நட்டி (நடராஜ்) நடித்துள்ளனர்.

மேலும் அனிமல் படத்தில் வில்லனாக நடித்து கவனம் ஈர்த்த நடிகர் பாபி தியோல் முக்கிய கதாபாத்திரத்தில் நடித்துள்ளார்.

மேலும் அனிமல் படத்தில் வில்லனாக நடித்து கவனம் ஈர்த்த நடிகர் பாபி தியோல் முக்கிய கதாபாத்திரத்தில் நடித்துள்ளார்.

படத்தை ஞானவேல் ராஜா தயாரிக்கிறார். தேவிஸ்ரீ பிரசாத் இசையமைக்கிறார். 3டியில் உருவாகும் இந்தப் படம் தமிழ், தெலுங்கு, இந்தி உட்பட 10 மொழிகளில் வெளியாக உள்ளது.

இந்தப் படத்தில் இரண்டு கதாபாத்திரங்களில் சூர்யா நடித்துள்ளதாக கூறப்படுகிறது. இரண்டு பாகங்களாகத் தயாராகும் இதன் முதல் பாகம் வரும் அக்டோபர் 10 ஆம் தேதி திரைக்கு வருகிறது.

இந்நிலையில் சூர்யா பிறந்தநாளை முன்னிட்டு ஜூலை 23ஆம் தேதி முதல் பாடல் வெளியாகவுள்ளது.

இந்தப்பாடலுக்கு ஆர்.ஆர்.ஆர் படத்தின் நாட்டு நாட்டு பாடலுக்கு நடனம் அமைத்த நடன இயக்குநர் பிரேம் ரக்‌ஷித் ஒப்பந்தமாகியுள்ளார். நாட்டு நாட்டு பாடலுக்கு பிரேம் ரக்‌ஷித் தேசிய விருது வென்றார். ஆஸ்கர் விருது இந்தப் பாடலை இசையமைத்த எம்.எம்.கீரவாணிக்கு அளிக்கப்பட்டதும் குறிப்பிடத்தக்கது.