எஸ்.ஜே.சூர்யா பிறந்தநாளில் தெலுங்கு பட டீசர்! நடிகர் நானி, படக்குழுவினர் வாழ்த்து!

இயக்குநர் மற்றும் நடிகருமான எஸ்.ஜே. சூர்யா தற்போது முழுநேர நடிகராக மட்டுமே நடித்து வருகிறார். கதாநாயகன் மற்றும் முக்கியமான படங்களில் வில்லனாகவும் நடித்து வருகிறார்.

இயக்குநர் ஷங்கர் இயக்கத்தில் ராம் சரண் நடிக்கும் கேம் சேஞ்சர், விக்னேஷ் சிவனின் எல்ஐசி, விக்ரம் 62 (வீர தீர சூரன்) படத்திலும் எஸ்.ஜே. சூர்யா நடித்துவருவது குறிப்பிடத்தக்கது. 

தனுஷின் 50ஆவது படமான ராயனில் நடித்துமுடித்துள்ளார். இன்னும் பல படங்களில் பிஸியாக நடித்துவருகிறார்.

நடிகர் எஸ்.ஜே.சூர்யா இன்று (ஜூலை 20) தனது 56ஆவது பிறந்தநாள் கொண்டாடுகிறார்.

நடன இயக்குநரும் நடிகரும் இயக்குநருமான ராகவா லாரன்ஸ் மாற்றம் என்ற அமைப்பை நிறுவி மக்களுக்கு உதவி செய்துவருகிறார். இதில் எஸ்.ஜே.சூர்யாவும் இணைந்துள்ளதை தனது இன்ஸ்டாவில் தெரிவித்துள்ளார்.

இந்நிலையில் நானியுடன் நடிக்கும் சரிபோத சனிவாரம் (சூர்யாவின் சாட்டர்டெ - தமிழில்) படத்தின் கிளிம்ஸ் விடியோ வெளியாகியுள்ளது.

இதில் நானி எஸ்.ஜே.சூர்யாவுக்கு பிறந்தநாள் வாழ்த்து தெரிவிக்கும்படி காட்சிகள் உள்ளது சுவாரசியமாக இருக்கின்றன. இது டீசர் அல்ல என்ற தலைப்புடன் படக்குழு கிளிம்ஸ் விடியோவை வெளியிட்டுள்ளது.

இந்தப் படம் ஆக.29 வெளியாகிறது. பான் இந்திய படமாக ரிலீஸாவது குறிப்பிடத்தக்கது.