நீண்ட நாள்களுக்குப் பிறகு ஓவியாவின் படம் வெளியாக இருக்கிறது. ஒலிம்பியா மூவிஸ் எஸ். அம்பேத்குமார், ஏவிஎஸ் என்டர்டெயின்மென்ட்ஸ் இணைந்து வழங்கும் இந்தப் படத்தினை தில்லைராஜா எழுத ஸ்வதேஷ் இயக்கியுள்ளார்.
இந்தப் படத்தில் ஓவியா, ரோபோ ஷங்கர், எம்.எஸ். பாஸ்கர், ஷேஷு, பாலா, தங்கதுரை உள்ளிட்ட பல நகைச்சுவை நடிகர்கள் நடித்துள்ளார்கள்.
பிக்பாஸில் பாதியிலேயே வெளியேறினாலும் அவருக்கு தனியாக ரசிகர்கள் உருவானார்கள். ஆனால் பிக் பாஸுக்கு பிறகு படங்கள் சரியாக அமையாமல் இருந்தார். எந்தப் படமும் வணிக ரீதியாக வெற்றியடையவில்லை.
தற்போது இந்த பூமர் அங்கிள் நகைச்சுவை கலந்த த்ரில்லர் படமாக உருவாகியிருக்கும் இந்தப் படத்தின் டிரைலர் கனவம் ஈர்த்துள்ளது.
இந்தப் படம் மார்ச்.29ஆம் தேதி வெளியாகுமென படக்குழு அறிவித்துள்ளது. மேலும், இதன் தமிழ்நாடு திரையரங்க உரிமத்தை ஏவிஎஸ் என்டர்டெயின்மென்ட்ஸ் நிறுவனம் கைப்பற்றியுள்ளது.