புஷ்பா - 2 திரைப்படத்தின் டிரைலர் குறித்து அறிவிப்பு வெளியாகியுள்ளது.
இயக்குநர் சுகுமார் இயக்கிய அல்லு அர்ஜுனின் புஷ்பா திரைப்படம் கடந்த 2021-ல் வெளியாகி நல்ல வரவேற்பைப் பெற்றது.
குறிப்பாக, வட மாநிலங்களில் இந்தப் படம் பெரும் வெற்றி பெற்றதுடன் ரூ.300 கோடிக்கு அதிகமாக வசூலித்து ஆச்சரியப்படுத்தியது. தற்போது, புஷ்பா - 2 திரைப்படம் வெளியீட்டிற்குத் தயாராகி வருகிறது.
ராஷ்மிகா மந்தனா உள்ளிட்டோர் நடிக்கும் இப்படத்துக்கு தேவி ஸ்ரீ பிரசாத் இசையமைக்கிறார். இப்படம் வருகிற டிச. 6 ஆம் தேதி வெளியாவதாக அறிவிக்கப்பட்டிருந்தது. ஆனால், மீண்டும் வெளியீட்டுத் தேதியை மாற்றியுள்ளனர். அதன்படி, டிச. 5 ஆம் தேதி இப்படம் வெளியாகவுள்ளது.
இதையும் படிக்க: ராஜ்குமார் பெரியசாமி இயக்கத்தில் தனுஷ்?
மேலும், புஷ்பா - 2 திரைப்படத்தை உலகளவில் 11,500-க்கும் அதிகமான திரைகளில் வெளியிட தயாரிப்பு நிறுவனம் திட்டமிட்டு வருகிறதாம். குறிப்பாக, இந்தியாவில் 6500 திரைகளிலும் வெளிநாடுகளில் 5000 திரைகளிலும் கொண்டு சேர்க்க புரமோஷன் பணிகளைத் தீவிரமாக்க உள்ளதாகத் தகவல்கள் தெரிவிக்கின்றன.
புஷ்பா முதல் பாகத்தில் சமந்தா நடனமாடியதுபோல் இரண்டாம் பாகத்தில் நடிகை ஸ்ரீலீலா ஒரு பாடலுக்கு ஆடவுள்ளதாகக் கூறப்படுகிறது. இந்த நிலையில், படத்தின் டிரைலரை விரைவில் வெளியிட உள்ளதாகத் தயாரிப்பு நிறுவனம் அறிவித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.