தக் லைஃப் திரைப்படத்தின் வெளியீட்டுத் தேதி டீசர் இன்று வெளியாகியுள்ளது.
கமல்ஹாசன் - மணிரத்னம் கூட்டணியில் கடந்தாண்டு துவங்கப்பட்ட திரைப்படம் தக் லைஃப். கேங்ஸ்டர் பின்னணியில் உருவாகியுள்ள இந்த படத்தின் படப்பிடிப்பு சென்னை, தில்லி, ரஷியா, பாண்டிச்சேரி உள்ளிட்ட பல பகுதிகளில் நடைபெற்றது.
நடிகர்கள் கமல்ஹாசன், நாசர், சிலம்பரசன், ஜோஜூ ஜார்ஜ், அசோக் செல்வன், ஐஸ்வர்யா லட்சுமி என பலர் நடித்துள்ளதால் படத்தின் மீதான எதிர்பார்ப்பு அதிகரித்துள்ளது. இந்தப் படத்திற்கு ஏ.ஆர். ரஹ்மான் இசையமைத்துள்ளார்.
கடந்த செப்டம்பரில் இந்தப் படத்தின் படப்பிடிப்பு நிறைவடைந்தது.
இந்த நிலையில், இன்று நடிகர் கமல்ஹாசன் பிறந்தநாளை முன்னிட்டு 44 விநாடிகள் கொண்ட படத்தின் வெளியீட்டுத் தேதி அறிவிப்பு டீசர் அதிகாரப்பூர்வமாக வெளியிடப்பட்டுள்ளது.
டீசரில் இப்படம் அடுத்தாண்டு ஜூன் 5 ஆம் தேதி திரைக்கு வர உள்ளதாக அறிவித்துள்ளனர்.
டீசரில் கமல் மாறுபட்ட வேடத்தில் வருவது படத்தின் மீதான ரசிகர்களின் எதிர்பார்ப்பை தூண்டும் விதத்தில் உள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.