குட் பேட் அக்லி அஜித், அர்ஜுன் தாஸ்!

நடிகர்கள் அஜித், அர்ஜுன் தாஸின் குட் பேட் அக்லி புகைப்படங்கள் வைரலாகி வருகின்றன.

நடிகர் அஜித் குமார் குட் பேட் அக்லி திரைப்படத்திற்காக வெளிநாட்டில் படப்பிடிப்பில் இருக்கிறார். அங்கு, இவருக்கான முக்கியமான காட்சிகள் எடுக்கப்பட்டு வருகின்றன. அவருடன் அவர் குடும்பத்தினரும் தங்கியுள்ளதாகத் தெரிகிறது.

ஆதிக் ரவிச்சந்திரன் இயக்கத்தில் உருவாகும் இப்படத்தின் மீது பெரிய எதிர்பார்ப்பு எழுந்துள்ளது. காரணம், இதில் அஜித் மூன்று தோற்றங்களில் நடிக்கிறார்.

இதையும் படிக்க: ’கண்ணீரைக் கட்டுப்படுத்த முடியவில்லை’ ஓடிடியில் வென்ற மெய்யழகன்!

குட் பேட் அக்லியின் அஜித்தின் புதிய தோற்ற புகைப்படங்களும் சமூக வலைதளங்களில் வெளியாகி படத்தின் மீதான எதிர்பார்ப்பை எகிரச் செய்துள்ளது.

தற்போது, நடிகர் அர்ஜுன் தாஸும் படப்பிடிப்பில் இணைந்துள்ளார். ஸ்பெயினில் நடைபெற்று வரும் படப்பிடிப்பின்போது ரசிகர் ஒருவர் அவருடனும் நடிகர் அஜித்துடன் எடுத்துக்கொண்ட புகைப்படம் வைரலாகியுள்ளது.