ஜூனியர் என்டிஆர் படத்தில் ஆலியா பட்?

ஹிந்தி சினிமாவில் முக்கியமான நடிகையாக இருக்கும் ஆலிய பட் 2012-இல் ஸ்டூடண்ட் ஆஃப் தி இயர் படத்தில் அறிமுகமானார். கங்குபாய் கதியவாடி படத்தில் தேசிய விருது பெற்றார்.

ஆலியா பட் நடிப்பில் வெளியான ஹைவே, உட்தா பஞ்சாப், டியர் ஜிந்தகி, ராஜி, கல்லி பாய், ராக்கி ராணி ஆகிய படங்கள் மிகவும் வரவேற்பினைப் பெற்றன.

ஹாலிவுட்டில் ஆர்ட் ஆஃப் ஸ்டோன் படத்தில் வொண்டர் வுமன் நடிகை கால் கோடட் உடன் நடித்துள்ளார். நடிகையாக மட்டுமல்லாமல் தயாரிப்பாளராகவும் அசத்திவருகிறார் ஆலியா பட் ஜிக்ரா எனும் படத்தில் நடித்து முடித்துள்ளார்.

தேவரா படத்தில் ஆலியா பட்?

இந்நிலையில் தேவரா படத்தின் புரமோஷனில் கலந்துகொண்டதால் படத்தில் இருக்கிறாரா என்ற சந்தேகம் ரசிகர்களுக்கு எழுந்துள்ளது. தேவரா படக்குழுவுடன் ஆலியா பட்டின் புகைப்படம் வைரலாகி வருகிறது.

தேவரா (செப்.29), ஜிக்ரா (அக்.11) இரண்டு படங்களும் 10 நாள்கள் இடைவெளியில் வருவதால் இருவரும் இணைந்து இரண்டு படங்களுக்கும் புரமோஷன் செய்து வருகிறார்கள்.

ஆலியாவின் அடுத்தடுத்த படங்கள்

நடிகர் ரன்பீர் கபூரை கடந்த 2022ஆம் ஆண்டு திருமணம் செய்தார். இவர்களுக்கு ராஹா எனும் பெண் குழந்தை கடந்தாண்டு டிசம்பரில் பிறந்தது.

சஞ்சய் லீலா பஞ்சாலி இயக்கத்தில் கணவர் ரன்பீருடன் லவ் அன்ட் வார் படத்திலும் நடித்து வருவது குறிப்பிடத்தக்கது.

இத்துடன் ஆல்ஃபா எனும் அதிரடியான கமர்ஷியல் படத்திலும் நடித்து வருகிறார்.