நண்பன் ஒருவன் வந்த பிறகு ஓடிடி தேதி!

நண்பன் ஒருவன் வந்த பிறகு படத்தின் ஓடிடி வெளியீட்டுத் தேதி அறிவிக்கப்பட்டுள்ளது.

இயக்குநர் வெங்கட் பிரபு வழங்க, 'நண்பன் ஒருவன் வந்த பிறகு' படத்தை மீசையை முறுக்கு பட நடிகர் ஆனந்த் நடித்து, இயக்கியியுள்ளார். இப்படத்தில் கலக்கப்போவது யாரு பாலா, ஆர்.ஜே.விஜய், குமரவேல், பவானி ஸ்ரீ, இர்பான் உள்ளிட்டோர் முக்கிய கதாபாத்திரங்களில் நடித்துள்ளனர்.

ஏ.எச்.காஷிப் இசையமைத்துள்ள இப்படத்தில் 2 பாடல்களை தனுஷ் மற்றும் ஜிவி பிரகாஷ் குமார் பாடியுள்ளனர்.

ஆக. 2 ஆம் தேதி திரைக்கு வந்த இப்படம், கலவையான விமர்சனங்களைப் பெற்றது.

இந்த நிலையில், இப்படம் செப். 13 ஆம் தேதி ஆஹா ஓடிடியில் வெளியாகும் என அறிவிகப்பட்டுள்ளது.