எது சிறந்த படம்? நந்தன் பட விழாவில் ஹெச்.வினோத் அதிரடி!

சதுரங்க வேட்டை, தீரன் அதிகாரம் ஒன்று படங்களின் மூலம் கவனம் பெற்றவர் இயக்குநர் ஹெச்.வினோத். அஜித்துடன் தொடர்ச்சியாக 3 படங்களை இயக்கியுள்ளார். அடுத்து விஜய்யை வைத்து இயக்கிறார்.

சுப்ரமணியபுரம் படத்தின் மூலம் இயக்குநராக அறிமுகமானவர் சசிகுமார். சுப்ரமணியபுரத்துக்குப் பின் ’ஈசன்’ படத்தை இயக்கிய சசிகுமார் அதன்பின் நடிப்பதில் கவனம் செலுத்தினார்.

வெற்றி, தோல்வியென சென்ற அவர் நடிப்பு வாழ்க்கையில் இறுதியாக வெளியான ‘அயோத்தி’ ’கருடன்’ ஆகிய திரைப்படங்கள் வெற்றிப்படங்களாக அமைந்தன.

இதையும் படிக்க: விராட் கோலியுடன் ராதிகா!

தற்போது நந்தன் படத்தில் சசிகுமார் நடித்துள்ளார். இந்தப் படம் வரும் செப்.20ஆம் தேதி திரையரங்குகளில் வெளியாகிறது. இந்நிலையில் படம் குறித்து ஹெச்.வினோத் பேசியதாவது:

என்னைப் பொருத்தவரையில் எது நல்ல படம் என்றால் பெரிய பட்ஜெட் கொண்ட படமோ பெரிய நடிகர்கள் நடிக்கும் படமோ அல்லது பாக்ஸ்-ஆபிஸ் வசூலிக்கும் படங்களோ அல்ல. ஒரு மனிதனை இன்னும் மேம்பட்ட மனிதாக மாற்றும் அல்லது மாற்ற முயற்சிக்கிற படங்களே சிறந்த படங்களாகும். நந்தன் சிறந்த படம். அனைவரும் திரையரங்குகளில் வந்து படத்தைப் பார்த்து ஆதரவு அளியுங்கள் என்றார்.

ஹெச்.வினோத் இயக்கும் விஜய்யின் 69 பட அறிவிப்பு நாளை (செப்.14) மாலை வெளியாகவுள்ளது குறிப்பிடத்தக்கது.