கேங்கர்ஸ் படத்திலிருந்து நடிகை கேத்ரின் தெரசா நடனமாடியுள்ள புதிய பாடலின் விடியோ வெளியாகியுள்ளது.
மத கஜ ராஜா படத்தின் வெற்றியைத் தொடர்ந்து இயக்குநர் சுந்தர். சி இயக்கியுள்ள திரைப்படம் கேங்கர்ஸ்.
முழுநீள நகைச்சுவைத் திரைப்படமாக உருவாகியுள்ள இப்படத்தில் நாயகனாக சுந்தர். சி, நாயகியாக கேத்ரின் தெரசா முக்கிய கதாபாத்திரங்களில் வடிவேலு, வாணி போஜன் உள்ளிட்டோர் நடித்துள்ளனர்.
ஏப். 24 ஆம் தேதி இப்படம் திரைக்கு வரவுள்ள நிலையில் படத்தின் டிரைலர் நேற்று (ஏப். 1) வெளியானது.
சமீபத்தில் வெளியான இந்தப் படத்தின் டிரைலர் 2 நாள்களில் யூடியூப் டிரெண்டிங்கில் முதலிடம் பிடித்தது கவனிக்கத்தக்கது.
பா.விஜய் எழுதிய குப்பன் பாடலுக்கு சி.சத்யா இசையமைத்துள்ளார்.
இந்தப் பாடலின் புரோமோ காலையில் வெளியான நிலையில் தற்போது முழுமையான விடியோ வெளியாகியுள்ளது.
இந்தப் பாடலில் கேத்ரின் தெரேசாவின் கவர்ச்சியான நடனமாடியுள்ளார்.
சுந்தர். சி படங்களில் இந்த மாதிரியான பாடல் ஒன்று நிச்சயமாக இடம்பெறுவதும் அந்தப் பாடல் மிகப்பெரிய ஹிட் அடிப்பதும் கவனிக்கத்தக்கது.