விஜய் சேதுபதியை இயக்கும் மணிகண்டன்?

நடிகர் மணிகண்டன் இயக்கத்தில் விஜய் சேதுபதி நடிக்க உள்ளதாகத் தகவல் வெளியாகியுள்ளது.

காதலும் கடந்து போகும், காலா, ஏலே, சில்லுக்கருப்பட்டி, விக்ரம் வேதா, ஜெய்பீம் உள்ளிட்ட படங்களில் நடித்து புகழ் பெற்றவர் மணிகண்டன். குட் நைட், லவ்வர் படங்களில் கதாநாயகனாக  நடித்து வெற்றி பெற்றார்.

தற்போது, இவர் நடித்து வெளியான குடும்பஸ்தன் திரைப்படமும் பெரிய வரவேற்பைப் பெற்று வசூலை ஈட்டி வருகிறது.

தன் சினிமா வாழ்வின் அடுத்தகட்டத்திற்கு நகர்ந்துள்ள மணிகண்டன் சில படங்களில் நாயகனாக நடிக்க ஒப்பந்தமாகியிருக்கிறார்.

இந்த நிலையில், நடிப்பது மட்டுமல்லாமல் இயக்குநராகும் திட்டத்தில் மணிகண்டன் இருக்கிறாராம். அதன்படி, நடிகர் விஜய் சேதுபதியை நாயகனாக வைத்து புதிய படத்தை இயக்கும் முயற்சிகளையும் செய்து வருவதாகத் தகவல்கள் வெளியாகியுள்ளன.