ஈஸ்டர் நன்னாளில் வெளியாகும் பள்ளிச்சட்டம்பி டிரைலர்!

நடிகர் டொவினோ தாமஸ் நடிப்பில் உருவாகியுள்ள பள்ளிச்சட்டம்பி டிரைலர் குறித்த அதிகாரபூர்வ அறிவிப்பு வெளியாகியுள்ளது.

ஈஸ்டர் திருநாளை முன்னிட்டு ஏப்.5ஆம் தேதி காலை 11.11 மணிக்கு இந்தப் படத்தின் டிரைலர் வெளியாகுமென அறிவிக்கப்பட்டுள்ளது.

மலையாள இயக்குநர் டிஜோ ஜோஸ் ஆண்டனி மற்றும் நடிகர் டொவினோ தாமஸ் கூட்டணியில் 'பள்ளிச்சட்டம்பி’ என்ற புதிய திரைப்படம் உருவாகியுள்ளது. இந்தப் படத்தில், நடிகை கயாது லோஹர் நாயகியாக நடித்துள்ளார்.

பிரபல இசையமைப்பாளர் ஜேக்ஸ் பிஜாய் இசையில் உருவாகும் இந்தப் படத்தில் நடிகர்கள் விஜயராகவன், சுதீர் கரமானா, பாபுராஜ், பிரசாந்த் அலெக்ஸாண்டர், வினோத் கெடமங்களம் உள்ளிட்டோர் நடித்துள்ளனர்.

பள்ளிச்சட்டம்பி திரைப்படத்தின் ’காட்டுச்செம்பகம்; எனும் முதல் பாடல் சமீபத்தில் வெளியாகி கவனம் பெற்றது. இந்நிலையில், படத்தின் டிரைலர் ஈஸ்டரில் வெளியாகுமென அறிவிக்கப்பட்டுள்ளது.

இந்தப் படம் மலையாளம், தமிழ், தெலுங்கு, கன்னடம் மற்றும் ஹிந்தி ஆகிய மொழிகளில் வரும் ஏப்ரல் 9 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.