ரூ. 60 கோடி வசூலித்த நிவின் பாலியின் பெத்லகேம் குடும்ப யூனிட்!

நடிகர்கள் நிவின் பாலி, மமிதா பைஜூ நடிப்பில் வெளியான பெத்லகேம் குடும்ப யூனிட் நல்ல வசூலைப் பெற்றுள்ளது.

இந்தாண்டு ஓணத்திற்கு நடிகர் பிருத்விராஜ் நடிப்பில் உருவான கலிஃபா, நிவின் பாலி நடித்த பெத்லகேம் குடும்ப யூனிட் ஆகிய படங்கள் வெளியாகின.

இதில், பிருத்விராஜின் கலிஃபா திரைப்படம் கலவையான விமர்சனங்களைப் பெற்றாலும் வணிக ரீதியாக ரூ. 30 கோடி வரை வசூலித்துள்ளது. மேலும், நடிகர் நிவின் பாலியின் பெத்லகேம் குடும்ப யூனிட் நல்ல விமர்சனங்களுடன் கூடிய வரவேற்பையும் பெற்று வருகிறது.

இந்த நிலையில், பெத்லகேம் குடும்ப யூனிட் மூன்று நாள்களிலேயே ரூ. 60 கோடிக்கும் அதிகமாக வசூலித்து ப்ளாக்பஸ்டர் வெற்றியை நோக்கி நகர்ந்துள்ளது.

நடிகர் நிவின் பாலி நடிப்பில் கடந்தாண்டு வெளியான சர்வம் மாயா ரூ. 150 கோடி வரை வசூலித்திருந்தது குறிப்பிடத்தக்கது. இப்படமும் இந்த வார முடிவில் ரூ. 100 கோடியைக் கடக்கலாம் எனக் கணிக்கப்பட்டுள்ளது. மேலும், நடிகை மமிதா பைஜூ தமிழிலும் மலையாளத்திலும் தொடர் வெற்றிகளைப் பெற்று வருவதால் அடுத்து தெலுங்கு படங்களிலும் நடிப்பார் எனத் தெரிகிறது.

The film Bethlehem kudumba unit, starring Nivin Pauly and Mamitha Baiju, has garnered good box-office collections.