Enable Javscript for better performance
அதிக எடை! ஆபத்து!!- Dinamani

சுடச்சுட

    
    obseity

     

    நவீன வாழ்க்கைச் சூழலில் மிகப்பெரும் சவாலாய், பூதாகரமான பிரச்னையாய் எழுந்துள்ளது ‘உடல் பருமன்’. இது எந்த வயதிலும் எவருக்கும் வரலாம். பருவமடைந்த பின் ஆண்களை விடப் பெண்களிடம் பரவலாக அதிகளவு உடல் பருமன் ஏற்படுகிறது. குறிப்பாக திருமணத்துக்குப் பின் அல்லது கர்ப்பத்துக்கு பின் அல்லது மாத சுழற்சி முற்றுப் பெற்ற பின் உடல் பருமன் உண்டாகிறது.

    மனிதரைத் தவிர பிற உயிரனங்களில் எலி, பூனை, நாய், ஆடு, மாடு, செச்டி, கொடி, மரம் அனைத்திலும் அவற்றின் இயற்கையான உடல் அமைப்பு மற்றும் எடையைக் கடந்து மிதமிஞ்சி உடல் கொழுத்து நடக்க இயலாமல், மூச்சுவிட இயலாமல் அவதிப்படுவதைப் பார்க்க முடியாது. மனிதர்கள் மட்டுமே தம் அளவுக்கு மீறி யானைகள் போல, மாமிசக் குன்றுகள் போல மாறுகின்றனர்.

    அதிக எடையும் உடல் பருமனும் (Obesity and overweight)

    அதிக எடை என்பதை எல்லா சந்தர்ப்பங்களிலும் அதிக பருமன் என்று கூற முடியாது. உடற்பயிற்சியாளர்கள், விளையாட்டு வீரர்கள் சராசரி எடையை விடச் சற்று அதிகமாக இருப்பார்கள். ஆனாலும் அவர்களிடம் அதிகம் கொழுப்புச் சத்து இருப்பதில்லை. அது சதை வளர்ச்சி. கொழுப்பின் அளவும் அதிகரித்து, உடலில் சராசரி எடையும் அதிகமிருந்தால் அது உடல் பருமனின்றி வேறில்லை.

    மனித எடையை தோராயமாகக் கணக்கிடும் முறை:

    ஒருவரின் உயரம் சென்டிமீட்டர் கணக்கில் எவ்வளவோ அதில 100ஐக் கழிக்க வேண்டும். பின் அதிலிருந்து 90 சதவிகித அளவை அறியவேண்டும் ஒருவர் 170 சென்டிமீட்டர் உயரமிருந்தால் 100ஐக் கழிக்கும்போது 70 வருகிறது. அதில் 90 சதவிகிதம் கணக்கிட்டால் 63 வருகிறது. 170 செ.மீ உயரமுள்ளவருக்கு 63 கிலோ எடை தான் ஏறத்தாழ சரியான எடையாக இருக்கும். இந்த எடையில் பத்து சதவிகிதம் அதிகரித்தால் கூட உடல் பருமன் என்று கூற முடியாது. மாறாக, அதற்கும் மேல் தொடர்ந்து எடை அதிகரிக்குமானால் உடல் பருமன் ஏற்பட்டே தீரும்.

    சராசரி எடையில் 10 முதல் 15 சதம் அதிகரித்தால் அதனைச் சிறிதளவு பருமன் (Mildy Obese) எனக் கருதலாம். 15 முதல் 20 சதம் அதிகரித்தால் நடுத்தர பருமன் (Moderately Obese) எனக் கருதலாம். 20 சதவிகிதத்துக்கும் மேல் எடை அதிகரித்தால் அதிக பருமன் (Very Obese) என அறியலாம்.

    சிறிதளவு பருமனாக இருப்பவர்களுக்கு (Mild Obesity) குறிப்பிடத்தக்க உடல் தொந்தரவுகள் இல்லாமலிருக்கலாம். இருப்பினும் தோற்றம் பார்ப்பதற்கு அழகாக இல்லை என்ற அழகுக் கோணத்திலிருந்து (Cosmetic Point of View) பார்பப்வர்கள் உடல் எடையை குறைக்க விரும்புகின்றனர்.

    நடுத்தர பருமனாளிகளும் அதிக எடையுள்ள குண்டர்களும் (Moderate & Severre Obesity) உடல் செயல்பாடுகள் கட்டுப்படுவதாலும், எடையைச் சுமக்க முடியாமலும், மூச்சு வாங்குவதாலும், இதர கடும் நோய்களாலும் அவதிக்கு ஆளாகின்றனர்.

    உடல் பருமனுக்கு காரணங்கள் என்ன?

    உடலில் அன்றாட இயக்கஙக்ளுக்கு வேண்டிய சக்தியளிப்பதற்உத் தேவையான அளவை விட (Over eating) அதிகளவு உணவு உண்பதால் தேவைக்கு அதிகமான கலோரிகள் கொழுப்பாகச் சேமிக்கப்படுகிறது. தேவையைவிட ஒருவர் தினம் 50 கலோரி அதிகம் எடுத்தால் ஒரே ஆண்டுக்குள் 2 கிலோ எடை அதிகரித்துவிடும்.

    கலோரி என்பது ஒன்றரை லிட்டர் நீரை 15 டிகிரி செல்ஷியஸிலிருந்து 160 டிகிர் செல்ஷியஸ் வரை சூடாகத் தேவையான உஷ்ண சக்தி. இக்கலோரியை (எரிசக்தியை) உணவுகள், காய்கறிகள், பழங்கள் மூலம் நாம் பெறுகிறோம். வெவ்வேறு உணவுப்பொருட்களில் வெவ்வேறு அளவு கலோரிகள் கிடைக்கின்றன.

    வசதியாக உட்கார்ந்தே பணிபுரியும் சொகுசுப் பேர்வழிகளுக்கு (Sedantary workers) அவர்களின் உடல் எடைக்கு ஒரு கிலோவிற்கு 20 கலோரிகள் தேவைப்படலாம். ஓரளவு உடலுழைப்பு உள்ளவர்களுக்கு அவர்களின் உடல் எடைக்கு ஒரு கிலோவிற்கு 25 கலோரிகள் தேவைப்படலாம். அதிகம் உடற்பயிற்சி, உடல் உழைப்பு உள்ளவர்களுக்கு அவர்களது எடையில் ஒரு கிலோவுக்கு 30 கலோரிகள் தேவைப்படலாம்.

    மேலும் உண்ணும் உணவின் அளவை விட தரத்தையும் கலோரிகளையும் கொள்ள வேண்டும். 100 கிராம் வெள்ளரியில் 16 கலோரி சத்தும் 100 கிராம் வறுத்த நிலக்கடலையில் 600 கலோரி சத்தும், 1 கிராம் புரதத்தில் 4 கலோரி சத்தும், 1 கிராம் கார்போஹைட்ரேட்டில் 4 கலோரி சத்தும், 1 கிராம் கொழுப்பில் 9 கலோரி சத்தும், 1 சப்பாத்தியில் 100 கலோரிகளும், 1 பிஸ்கட்டில் 40 கலோரிகளும், 75 கிராம் சாதத்தில் 100 கலோரிகளும், 1 அவுன்ஸ் ஆட்டுக்கறியில் 500 கலோரிகளும், 1 அவுன்ஸ் மீனில் 360 கலோரிகளும் கிடைக்கின்றன. வயது வந்த ஒரு நபருக்கு ஒரு நாளுக்கு 1400 முதல் 1900 வரை கலோரிகள் தேவைப்படக்கூடும். இதில் குறைவு ஏற்பட்டாலும், அதிகம் ஏற்பட்டாலும் உடலின் அமைப்பு, செயல்பாடுகள் பாதிக்கப்படும்.

    ஒழுங்கற்ற உணவுப்பழக்கம், அதிக கொழுப்பு உணவுகள் உண்பதும் குறிப்பாக எண்ணெய் பண்டங்கள், பால் பொருட்கள், அசைவ உணவுகள், சாக்லெட் இனிப்புகள், ஐஸ்க்ரீம், மது, நெய், வெண்ணெய், முட்டை மஞ்சள் கரு போன்றவைகளால் உடல் எடை அதிகரிக்கிறது. வாயுப் பண்டங்களாலும் (பருப்பு, உருளைக்கிழங்கு) எடை கூடுகிறது. இருவேளை உணவுகளுக்கு இடையில் நொறுக்குத்தீனிகளை (Tit bits) மெல்லும் பழக்கமும், டிவி பார்த்தபடி அல்லது வேறு வேலையின்போது நொறுக்குத் தீனிகள் தின்னும் பழக்கமும் உடல் எடையை அதிகரிக்கச் செய்கின்றன.

    உடற்பயிற்சியோ, உடல் உழைப்போ இல்லாததால், பகலில் அதிகளவு சாப்பிட்டுவிட்டு அதிக நேரம் தூங்குவதால் பொதுவாக அதிக ஓய்வும் உறக்கமும் கொள்வதால் உடல்பருமன் ஏற்படுகிறது. சில குடும்பங்களில் பாரம்பரிய தன்மை காரணமாக பருமனான பெற்றோருக்கு பருமனான குழந்திஅகள் பிறக்கின்றனர்.

    ஹார்மோன் இயக்கக் கோளாறுகளாலும், (Hypothyroidism, Hypothalamus & Pituitary Disorders) அடிக்கடி பிரசவங்கள், கருச்சிதைவுகள், அறுவைச் சிகிச்சைகளைத் தொடர்ந்தும், NSAID போன்ற சில ஆங்கில மருந்துகள், உடலில் நீர் திரவத் தேக்கங்கள் உண்டாக்கும் ஸ்டீராய்டுகள், கருத்தடை மாத்திரைகள் போன்ற காரணங்களாலும் உடல் பருமன் ஏற்படுகின்றது. மேலும், இவை உடல் பருமனை உண்டாக்குவதில் முக்கிய குற்றவாளிகளாகவும் உள்ளன.

    உடல் பருமனால் பல பிரச்னைகள் :

    உடல் பருமனால் ஒரு மனிதனுக்கு உடல்ரீதியாக மட்டுமின்றி உளவியல் ரீதியாகவும் சமூக ரீதியாகவும் ஏற்படும் பிரச்னைகள் ஏராளம். அதிக பருமனால் உயிராபத்தை விளைவிக்கக் கூடிய பல நோய்கள் தாக்குகின்றன. மாரடைப்பு, உயர்ரத்த அழுத்தம், நீரிழிவு, ஆஸ்துமா, ஆண்மைக் குறைவு, மலட்டுத்தன்மை, இடுப்பு எலும்புகள், முதுகுத்தண்டு, முழங்கால் மூட்டுகள் தேய்மானம், குடலிறக்கம், அசுத்த ரத்தநாளப் புடைப்பு.. போன்ற பல மோசமான நோய்கள் முற்றுகையிடுகின்றன.

    மந்த இயக்கம், சோர்வு, பல்கீனம் காரணமாக அடிக்கடி கீழே விழ நேரிடலாம் அல்லது விபத்து நேரிடலாம். வீட்டில், வயலில், தொழிற்சாலையில், இதர பணி இடங்களில் நிற்பது, நடப்பது பணியாற்றுவதும், உடல் சுகாதாரம் பேணுவதும் மிகச் சிரமம். உடல் பருமன் ஒருவித நரம்பியல் நோயை (Neurosis) எற்படுத்துகிறது. உளவியல் ரீதியாக மனச் சோர்வு, தன்னம்பிக்கை குறைவு, பயம், தாழ்வு மனப்பான்மை போன்ற பிரச்னைகள் பாதிக்கின்றன. தனது பருமன் தனக்கு மட்டுமின்றி குடும்பத்துக்கும், உலகத்துக்கும் சுமை எனும் உணர்வு ஏற்பட்டு விரக்தியும் மன அழுத்தமும் மேலோங்கும்.

    என்ன செய்ய வேண்டும்?

    ஓரளவு மட்டுமே எடிஅ அதிகமிருப்பவர்கள் அதிக மாவுப் பொருள், கொழுப்பு பொருள் உண்பதைக் குறைக்க வேண்டும். ஓரளவு உடற்பயிற்சி அல்லது யோகா மேற்கொள்ள வேண்டும். அதிக எடை எனில், உணவில் அதிகக் கட்டுப்பாடுகள் தேவை. உபவாசம், பழ வகைகள், வாரம் 1 நாள் திரவ உணவுகள் மட்டும் அருந்துதல் எனப் பழக்கப்படுத்தினால் பசியின் அளவு குறையும், குறைந்தது மாதம் 1 கிலோ எடையேனும் குறையும். கொழுப்பு மற்றும் மாவு உணவுகளுக்குப் பதிலாக கணிசமான அளவு பழங்கள் உண்ண வேண்டும். திறந்த வெளிக்காற்றில் அன்றாடம் உடற்பயிற்சி, சுறுசுறுப்பான நடை போன்றவற்றை அவரவர் எடை, வயது, உடற்தகுதிக்கேற்ப எதுவாகவும் மேற்கொள்ளலாம்.

    பசி குறைக்க மாத்திரைகள், சில வேசேஷ உணவுத் திட்ட தயாரிப்புகள் பருமனைக் குறைப்பதற்கான சரியான தீர்வு அல்ல. மசாஜ் மூலம் எடை குறைப்பு, இடுப்பு பெல்ட்கள், விலை உயர்ந்த நவீன கருவிகள் போன்ற சில கவர்ச்சிகரமான விளம்பரங்களை நம்பி ஏமாந்து போகக் கூடாது. சில சமயம் இவற்றால் ஆரம்ப நிலையில் எடை குறையலாம். அடுத்தடுத்து பயன்படுத்தும் போது அவை பயனற்றவை என்று உறுதியாகும். அடிப்படையாக வாழ்க்கை முறையை உணவு முறையை மாற்ற வேண்டும்.

    உடல் பருமனைக் கட்டுப்படுத்த விரும்புவோர் மும்முனைப் போருக்கு தயாராக வேண்டும். 1. உணவுப் பழக்கங்களை ஒழுங்குப்படுத்த வேண்டும் (Regulation of Eating habits) 2. வாழ்க்கை நடைமுறைகளை ஒழுங்குப்படுத்த வேண்டும் (Regulation of way of life) 3. பக்கவிளைவு இல்லாத உரிய சிகிச்சை எடுத்துக் கொள்ள வேண்டும். இதற்கு ஹோமியோபதி மருந்துகள் சிறப்பாக உதவுகின்றன.

    உடல் பருமனுக்கு ஹோமியோபதி சிகிச்சை

    ஹோமியோபதியில் நோயாளியின் உடல் அமைப்புக்கேற்ற (Constitutional) மருந்து மிக முக்கியம். அதனுடன் பருமனைக் குறைக்க ஹோமியோ மேதைகள் சில மருந்துகளை பரிந்துரைக்கின்றனர்.

    PRESCRIBER நூலில் Dr.J.H.கிளார்க் Phytoberry தினம் 3 வேளை வீதம் 1 மாதம் எடுத்துக் கொள்ளப் பரிந்துரைக்கிறார். பலன் அளிக்காவிட்டால் Ammonium Brom 3x, Cal, Carb30, Cal.ars30 ஒன்றன்பின் ஒன்றாய் முயற்சிக்குமாறு கூறுகிறார்.

    போயரிக் அவர்கள் Fucus Ves Q அல்லது 1 X மருந்தினை (5 முதல் 60 சொட்டுகள் வரை) உணவுக்கு முன் எடுத்துக் கொள்ளுமாறு பரிந்துரைக்கிறார். அபானவாயு, அஜீரணம், பிடிவாதமான மலச்சிக்கல் குறிகளுடன் உள்ள உடல் பருமனுக்கு இம்மருந்து மிகவும் பொருந்தும் என்கிறார். போயரிக் சுட்டிக்காட்டும் பிற மருந்துகள் Am.brom, Antim crud, Capsicum, Graph, Thyroidine, Iodothyrene.

    T.P. சாட்டர்ஜி அவர்கள் Hight Hights of Homeo Practice நூலில் J.H.கிளார்க் பரிந்துரை என்று கூறி Calatropis மருந்தினை 3 மாத காலம் எடுத்துக் கொள்ள வேண்டும் என்கிறார். வயிறு பெருத்த ஆண்களுக்கு Nuxvomica 10m, வயிறு பெருத்த பெண்களுக்கு Nuxvomica 200 மருந்தினை சாட்டர்ஜி பரிந்துரை செய்கிறார்.

    உடல்பருமனை குறைக்க உதவும் சில முக்கியமான ஹோமியோ மருந்துகளும் அவற்றின் குறிகளும் :

    கல்கேரியாகார்ப் – ஊளைச் சதை, உடல் பருமன், தலை, கழுத்துப் பகுதியில் அதிக வியர்வை (இரவில் தலையணை நனையுமளவு). பல நாள் மலச்சிக்கல் நீடித்தாலும் நலமாயிருக்கும் உணர்வு, மந்தம், சோர்வு மூச்சு வாங்குதல்.

    கிராபைட்டிஸ் – உடல் பருமனுடன் தோல் நோய்கள், கரப்பான் படை போன்ற நோயில் ஒட்டும் தன்மையுள்ள திரவகசிவு, தோலில் கடினத் தன்மை, சொர சொரப்பு, கிஅக் குறைவான மாதப்போக்கு (மாதவிடாய் நிற்கும் காலப் பருமனுக்கு செபியாவும், கிராபைட்டிசும் ஏற்றவை).

    அம்மோனியம்மூர் – உடல் பருமனாகவும் கால்கள் மெலிந்தும் காணப்படும்.

    ஆண்டிமோனியம் குரூடம் / கல்கேரியா கார்ப் – சிறுவர், இளம் வயதினர் உடல் பருக்கும் தன்மை.

    அம்மோனியம்கார்ப் / பாரிடா கார்ப் – முதியோரின் உடல்பருமன்.

    அம்மோனியம் புரோம் – அனைத்து உறுப்புக்களிலும் கன உணர்வுகளுடன் உடல் பருமன்.

    தைராய்டினம் : உடல், கழுத்துக் கோளங்கள் பருத்திருத்தல், முகம் உப்பியிருத்தல், உடலில் நீர் கோர்வை (அதிகளவு சிறுநீரை வெளியேற்றி உடலை இளைக்கச் செய்யும்) உடல் வளர்ச்சி, சத்து தொடர்பான இயக்கத்தை ஒழுங்கமைக்கும் ஆற்றல் இம்மருந்துக்கு உண்டு.

    - Dr.S.வெங்கடாசலம்                                                                                                                       மாற்று மருத்துவ நிபுணர்                                                                                                   சாத்தூர்                                                                                                                                                       Cell – 9443145700 / Mail : alltmed@gmail.com

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai