Enable Javscript for better performance
உணர்வுகள் தொடர்கத- Dinamani

சுடச்சுட

    
    PTSD-1024x682

    சில நூற்றாண்டுகள் முன் மாயக் கண்ணாடிகளும் பறக்கும் கம்பளங்களும் மற்றும் பல வினோதப் பொருட்களும் வெறும் கற்பனைகளாய் இருந்தன. இப்போது மனித குலம் நிஜவாழ்வில் தினசரி இவற்றை வேறு வடிவங்களில் பயன்படுத்தி வருகிறது. மனிதனின் கற்பனைகளுக்கும் கனவுகளுக்கும் புதுமைகளை சிருஷ்டிக்கும் ஆற்றல் உண்டு.

    இதற்கு மாறாக, இயற்கைக்குப் புறம்பான கற்பனா அவஸ்தைகளும், பிரமைகளும் மனிதரிடம் விதவிதமாய் காணப்படுவதும் உண்டு. இயல்பான வாழ்க்கையை, செய்லபாடுகளைப் பாதிக்ககூடிய இத்தகைய மருட்சிகளை மாய எண்ணங்களைக் குறிளாகக் கொண்டு உரிய ஹோமியோ மருந்து அளித்தால் பாதிக்கப்பட்ட மனிதனை நிஜவாழ்க்கைக்கு மீட்டுவர முடியும். உணர்வுகளின் ஊர்வலத்தை ஒழுங்கமைக்கும் அதிசய ஆற்றல் ஹோமியோ மருந்துகளுக்கு மட்டுமே உண்டு. உதாரணத்துக்கு சில குறிகளும், சில மருந்துகளும் -

    • ஒரே சமயத்தில் ஒரு நபர் இரண்டு இடங்களில் இருப்பதாக எண்ணம் - லைகோபோடியம்
    • மனிதர்களும், பொருட்களும் கருப்பு நிறமாக தோன்றுதல் - ஸ்டிரமோனியம்
    • தான் ஓர் அதிகாரி போன்ற உணர்வு - குப்ரம்மெட்
    • வீட்டிலிருக்கும் போது, வேறு எங்கோ இருப்பதாக எண்ணம் - ஒபியம்
    • பிறரை விட எல்லாவிதங்களிலும் தான் உயர்வு என்ற உணர்வு - பிளாட்டினா
    • தனக்கு மரணம் நெருங்கிவிட்டதாக நினைத்து அதற்கு வேண்டிய ஏற்பாடுகளைச் செய்தல் - பெட்ரோலியம்
    • உடம்பு முழுவதும் எறும்புகள்  ஓடுவது போன்ற உணர்வு - சிஸ்டஸ்
    • அறையின் குறுக்காக பூனைகளும், நாய்களும் ஓடுவது போன்ற பிரமை - ஏதுஸா
    • பிறர் தன்னுடன் படுக்கையில் படுத்திருப்பதாக பிரமை - பைரோஜனியம்
    • எப்போதும் சிற்றின்பச் சிந்தனை. தனியாக இருக்கும் போது காம நினைவுகளில் மூழ்குதல். தன்க்கு நேர்ந்த அவமரியாதைகளை நினைத்து மனக்கவலை - ஸ்டாபிசாக்ரியா
    • தன் முன்பு ஏதோ ஒன்று இருப்பது போன்ற உணர்வால் அதைப் பிடிக்க முயற்சித்தல், தன்னை நோக்கி ஒரு நாய் அல்லது துஷ்ட மிருகம் ஓடிவருவது போலவும் அதை அடிக்கவும், அதனுடன் சண்டை செய்வதும் போன்ற செய்கைகள் - ஸ்டிரமோனியம்
    • யாரோ துரத்தி வருவதாக, உறவினர் குரல் கேட்பதாக உணர்வு - அனகார்டியம்
    • தான் சிதறிக் கிடப்பதாக உணர்வு - பாப்டீஸியா
    • சங்கீதம் கேட்க நேர்ந்தால் தற்கொலை செய்து கொள்ள வேண்டும் என்ற எண்ணம் - நேட்ரம்கார்ப்
    • தான் கடவுள் என்ற நினைப்பு, தான் ஒரு பெரிய மனிதர் எனக் கருதி அனாவசியமாகப் பணச் செலவு செய்தல் - வெராட்ரம் ஆல்பம்
    • கடவுளே தன்னிடம் நேரில் வந்து பேசுவதாக எண்ணம்; தான் இறந்தது போலவும், தனது  இறுதிச் சடங்கிற்கு ஏற்பாடுகள் நடைபெறுவது போலவும் பிரமை - லாச்சஸிஸ்
    • மாதவிடாய் நாட்களிலும் உடலுறவு வேட்கை - பிளாடினா
    • கணவனைத் தவிர வேறு மணமான ஆணுடன் உறவு - நேட்ரம் மூர்
    • ஆபத்தான நேரம் சிரித்தல், மகிழ வேண்டிய நேரம் அழுதல் - அனகார்டியம்

    மனங்களைப் பண்படுத்தும் மகத்தாம மருந்துகள்

    மனநோய்கள் ஏற்படுவதற்கு மனநலம் கெடுவதற்கு பல காரணங்கள் உள்ளன. தலையில் பலத்த அடிபடுதல், பொருள் நஷ்டம், பல்வேறு தோல்விகள், பாலுணர்வுத் தடைகள், பயங்கள், அதிர்ச்சிகள் போன்ற காரணங்களாலும் மனநோய்கள் ஏற்படுகின்றன.

    தண்ணீர் வைத்தியம், வெந்நீர் வைத்தியம், உலோக வைத்தியம், ஊசி வைத்தியம் என்று உலகில் எத்தனையோ வைத்திய முறைகள் உள்லன. இவை எல்லாமே மனிதனின் உடல் நலிவை மட்டுமே சீர் செய்ய முயல்கின்றன. ஒரு சில போலி மருத்துவ முறைகள் கற்கள், தகடுகள், தாயத்துகள், மை வேறு சில பொருட்களை அப்பாவி மக்களிடம் விற்று, ஆயிரக்கணக்கில் ரூபாயைப் பறித்துக் கொண்டு, இழந்த இளமை மீண்டும் கிடைக்கும் என்றும், குடும்பக் கஷ்டங்கள் எல்லாம் மாயமாய் மறையும் என்றும், ஐஸ்வரியங்கள் வந்து குவியம் என்றும் ஏமாற்றி வருகின்றன.

    இத்தகைய பொய்மைகளுக்கும், போலித்தனங்களும் அப்பால் ஹோமியோபதி மட்டுமே மனிதனின் உடல், மனச் சீர்குலைவை முழுமையாகப் பரிசீலித்து நலப்படுத்துகிறது. ஹோமியோபதியில் மனிதனின் பொதுத்தன்மை மட்டுமல்ல தனித்தன்மைகளும் கவனிக்கப்படுகின்றன. நோயைப் பற்றிய குறிகளை விட நோயாளிகளைப் பற்றிய குறிகளும் விவரங்களும் தான் மிக முக்கியம்.

    பாரம்பரிய அம்சங்களால் மட்டுமன்றி, குடும்பச் சூழல், கல்வி , சமூக, கலாச்சார மாசுபடுத்தக்கூடிய, சல்லடைக் கண்களாய் துளைத்து நாசப்படுத்தக் கூடிய காரணிகள் இன்றைய சமுதாயத்தில் ஏராளம் உள்ளன. இதனால் மனநலம் கெடுவதோடு, குடும்ப அமைதி குலைந்து, தனிமனிதனின் சமூகத் தொடர்புகளும் பாதிக்கப்படுகின்றன. இத்தகைய புறத்தாக்குதலிலிருந்து தற்காத்துக் கொள்ளும் மன ஆரோக்கியமும், மனவலிமையும், நேர்மையும் உள்ளவர்கள் குறைவு. பாரதிதாசன் குறிப்பிடுவது போல கற்றவர்களிடம் கூட கடுகு உள்ளம் தான் காணப்படுகிறது. மனித மனங்களைப் பண்படுத்த எல்லா நிலைகளிலும் ஹோமியோபதி உதவுகிறது. மனத்தின் ஆரோக்கியமே மனிதனின் ஆரோக்கியம்.

    மனம் சார்ந்த குறிகளும் - மருந்துகளும் :

    நேட்ரம்சல்ப் - தலையில் அடிபட்டதால் ஏற்படும் மனநோய் (யாரிடமும் பேச விரும்பாத நிலை)

    இக்னேஷியா, ஜெல்சிமியம் - குழந்தை இறந்ததால் மனம் பாதிப்பு

    ஓபியம், ஜெல்சிமியம், அர்ஜெண்டம் நைட்ரிகம் - மன அதிர்ச்சியில் மனம் பாதிப்பு

    பல்சடில்லா - மாதவிலக்குத் தடைபடுவதால் ஏற்படும் மனநோய்.

    ஸ்டிரமோனியம் - கர்ப்பமாயிருக்கும் போது ஏற்படக்கூடிய மனநோய்

    அகோனைட், ஒபியம் - பயம், பதற்றத்தால் மனம் பாதிப்பு

    அனகார்டியம், ஹிபர்சல்ப் - ஈடு இரக்கமற்ற கொடூரமான மனநிலை, பிறரைத் துன்புறுத்தி இன்பம் காணுதல்

    ஹையாஸ்யாமஸ் - ஆபாசமாகப் பேசுதல், பாடுதல், ஆடைகளை அவிழித்து விட்டு பிறப்புறுப்புகளைக் காட்டுதல்

    இக்னேஷியா, ஸ்டாபிசாக்ரியா, நேட்ரம்மூர் - ஏமாற்றத்தால் மனம் பாதிப்பு

    இக்னேஷியா, ஸ்டாபிசாக்ரியா - மனம் புண்பட்டதால், அவமானப்பட்டதால் மனம் பாதிப்பு 

    பல்சடில்லா - திருமணத்தின் மீதும், உடலுறவின் மீதும் வெறுப்பு

    லாச்சஸிஸ் - தனக்குள் ஓர் அபூர்வ சக்தி - தேவதை இருந்து கொண்டு தன்னை இயக்குவதாக எண்ணம்

    ஸ்டிரமோனியம் - கண்ணாடியைப் பார்த்து ப் அயம், இருளைக் கண்டு பயம்

    சிபிலினம் - கைகளை மீண்டும் மீண்டும் கழுவிக் கொண்டு இருத்தல்

    நக்ஸ்வாமிகா - போதைப் பொருள்கள் மீது நாட்டம்

    விபரீதமான வெறுப்புணர்ச்சிகளும் விரட்ட உதவும் மருந்துகளும் 

    மனிதனைப் போன்று விருப்பு வெறுப்புகளைச் சுமந்து திரியும் வேறு உயிரினங்கள் இருக்கவே முடியாது. வெறுப்புகளை மூட்டை கட்டிச் சுமக்கும் மனிதர்களின் உள்ளங்கள் குறுகி விடுகின்றன அறிவின் எல்லைகளும் மனிதநேயமும் சுருங்கி விடுகின்றன.

    தனிமனித நலனுக்கு குடும்ப நலனுக்கு சமுதாய நலனுக்குத் தீங்கு தரும் எதன் மீதும் வெறுப்பு கொள்வது நியாயமானது. ஏற்கத்தக்கது. மாறாக, எந்தவித அடிப்படையும் இன்றி சக மனிதர்களை வெறுத்தல், அழகான விஷயங்களை வெறுத்தல் என்பது விபரீதமானது; வினோதமானது; வேதனைக்குரியது. மனித மனத்தின் மேடு பள்ளங்களை சமப்படுத்தும் ஆற்றல் ஹோமியோபதி மருந்துகளுக்கு உண்டு. மனிதனிடம் காணப்படும் விருப்பத்தகாத வெறுப்புணர்ச்சிகளை நீக்கி, மன இயல்புகளைச் சீராக்க உதவும் மருந்துகள் சிலவற்றின் பட்டியல் இதோ -

    வெறுப்புக்கு உள்ளாகும் மனிதர்களும் மற்றவைகளும் :

    குறிப்பிட்ட நபர்களை வெறுத்தல் - அம்மோனியம், மூரியாடிகம்

    பெற்றோரை, மனைவியை வெறுத்தல் - ப்ளோரிக் ஆசிட்

    குடும்ப உறுப்பினர்களை வெறுத்தல் - பிளாட்டினா

    குடும்ப உறுப்பினர்களை, அன்பிற்குரியவர்களை வெறுத்தல், மேலும் தொழில் உடலுறவு, எதிர் பாலினம் ஆகியவற்றையும் வெறுத்தல் - செபியா

    பெண்களை, திருமணத்தை, உடலுறவை வெறுத்தல் - பல்சடில்லா

    கணவரை வெறுத்தல் - குளோனாய்ன்

    (பெண்கள்) ஆண்களை வெறுத்தல் - ரபேனஸ்

    திருமணத்தையும் திருமணப் பேச்சுகளையும் வெறுத்தல் - பிக்ரிக் ஆசிட்

    இறைச்சியை வெறுத்தல் - பல்சடில்லா

    கோழிக்கறி பிடிக்காமல் வெறுத்தல் - பாசிலினம்

    மாட்டு இறைச்சியை வெறுத்தல் - மெர்க் - சால்

    மீன் கறியை வெறுத்தல் - கிராபைட்டீஸ்

    முட்டையை வெறுத்தல் - ஃபெர்ரம்மெட்

    பாலை வெறுத்தல் - நேட்ரம்கார்ப், செபியா

    இனிப்பை வெறுத்தல் - கிராபைட்டீஸ், காஸ்டிகம்

    ப்ளம்ஸ், வாழைப்பழங்களை வெறுத்தல் - பரிடாகார்ப்

    ஆப்பிளை வெறுத்தல் - ஆண்டிம்டார்ட்

    ஐஸ்க்ரீமை வெறுத்தல் - ரேடியம்

    குளிர்பானங்களை வெறுத்தல் - கார்போவெஜ்

    வெங்காயம், வெள்ளைப் பூண்டை வெறுத்தல் - சபடில்லா

    காய்கறிகளை வெறுத்தல் - மெக்னீசியம் கார்ப்

    பொழுது போக்கையும், மகிழ்வூட்டும் விஷயங்களையும் வெறுத்தல் - இக்னேஷியா

    குளிப்பதை வெறுத்தல் - சல்பர்

    ஓரினச் சேர்க்கையாளர்கள் பெண்களை வெறுத்தல் - டாரண்டுலா ஹிஸ்பானியா

    புன்னகை தவழும் முகங்களை வெறுத்தல் - அம்ப்ராகிரீஸா

    Dr.S.வெங்கடாசலம்

    மாற்றுமருத்துவ நிபுணர்

    சாத்தூர் 

    Cell - 9443145700

    Mail - alltmed@gmail.com

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai