அமெரிக்க கணக்கெடுப்பு நிறுவனம், அங்கு வசிக்கும் மக்களின் சமூக நிலை குறித்த கணக்கெடுப்பில் தெரியவந்த தகவல்களை அண்மையில் வெளியிட்டது. கடந்த 2009 ஆம் ஆண்டு முதல் 2013 ஆம் ஆண்டு வரை பெறப்பட்ட, இத்தரவுகளில், சுமார் 6.5 லட்சம் இந்தி பேசும் மக்கள் அமெரிக்காவில் வசிப்பதாக தெரியவந்துள்ளது.
அமெரிக்க ஐக்கிய நாட்டில் வசிக்கும் சுமார் 60 மில்லியன் பேர், ஆங்கிலம் அல்லாத பிறமொழிகளை தங்கள் வீடுகளில் தொடர்பு மொழியாக பயன்படுத்தி வருவதாக அந்த கணக்கெடுப்பில் தெரியவந்துள்ளது. ஆங்கிலத்துக்கு அடுத்தப்படியாக ஸ்பானிஷ் மொழி பேசுவோர் 37.4 மில்லியன் பேர் உள்ளனர்.
இந்திய மொழிகளில், இந்தி பேசும் மக்கள் 6.5 லட்சம் பேரும், உருது பேசுவோர் சுமார் 4 லட்சம் பேரும் அமெரிக்காவில் வசிப்பதாக தெரியவந்துள்ளது.
இந்தி, உருது தவிர பெங்காலி, பஞ்சாபி, மராத்தி, ஒரியா, அசாமி, காஷ்மிரி, பிகாரி பேசுவோரும் அங்கிருப்பதாக தகவல்கள் கூறுகின்றன.
மேலும், தென்னக மொழிகளில் தெலுங்கு பேசுவோர் முதலிடத்தில் (2.50 லட்சம்) உள்ளனர். அதைத் தொடர்ந்து தமிழ் பேசுவோர் 1.90 லட்சம் பேரும், மலையாளம் பேசுவோர் 1.46 லட்சம் பேரும் அமெரிக்க ஐக்கிய நாட்டில் வசிப்பதாக தெரியவந்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.