பாக். மூலம் அமெரிக்காவுடன் தொடரும் பேச்சு! - ஈரான் அரசு அறிவிப்பு!அதிமுக அரசின் ஏதாவது ஒரு சாதனையைக் கூறி பழனிசாமியால் ஓட்டு கேட்க முடியுமா? மு.க. ஸ்டாலின்தேர்தல் முக்கியமல்ல, சுயமரியாதையே முக்கியம் : மு.க. ஸ்டாலின் உ.பி.யில் 17 வயது சிறுமிக்கு கூட்டுப் பாலியல் வன்கொடுமை! தூக்கிட்டுத் தற்கொலை!சிபிஎஸ்இ 10-ஆம் வகுப்புப் பொதுத் தேர்வு முடிவுகள் வெளியீடுமீஞ்சூரில் மாணவியிடம் பாலியல் அத்துமீறல்! அரிவாளால் வெட்டிய இளைஞர்கள்! திமுக தோற்க வேண்டும் என ராகுல் நினைக்கிறார்: அண்ணாமலை பேச்சுதொகுதி மறுவரையறை! தமிழ்நாட்டில் நாளை கருப்புக் கொடிப் போராட்டம்! - மு.க. ஸ்டாலின் அறிவிப்பு
/

மெஹபூபா மீது தரம் தாழ்ந்த விமர்சனம்

பாஜக சார்பில் ஜம்மு - காஷ்மீரில் நடைபெற்ற பேரணியின்போது அக்கட்சியின் மூத்த தலைவர் லால் சிங்கின் சகோதரர், மாநில முதல்வர் மெஹபூபா முஃப்தியை தரம்தாழ்ந்த வகையில் பேசியது சர்ச்சைக்கு வித்திட்டுள்ளது.

Updated On :21 மே 2018, 7:27 pm

பாஜக சார்பில் ஜம்மு - காஷ்மீரில் நடைபெற்ற பேரணியின்போது அக்கட்சியின் மூத்த தலைவர் லால் சிங்கின் சகோதரர், மாநில முதல்வர் மெஹபூபா முஃப்தியை தரம்தாழ்ந்த வகையில் பேசியது சர்ச்சைக்கு வித்திட்டுள்ளது.
இதுதொடர்பான விடியோ பதிவு சமூக வலைதளங்களில் வேகமாகப் பரவி வருகிறது. இதற்கு கடும் கண்டனம் தெரிவித்துள்ள தேசிய மாநாட்டு கட்சியின் செயல் தலைவர் ஒமர் அப்துல்லா, சம்பந்தப்பட்ட நபருக்கு எதிராக காவல் துறையினர் வழக்குப் பதிவு செய்ய வேண்டும் என்று வலியுறுத்தியுள்ளார்.
காஷ்மீர் மாநிலம் கதுவா மாவட்டத்தில் 8 வயது சிறுமி ஒருவர் பாலியல் வன்கொடுமைக்கு ஆளாக்கப்பட்டு, கொலை செய்யப்பட்டார். நாடு முழுவதும் பேரதிர்ச்சியையும், பெரும் கொந்தளிப்பையும் ஏற்படுத்திய இச்சம்பவத்தில் சிபிஐ விசாரணைக்கு உத்தரவிட வேண்டும் என்று வலியுறுத்தி மாநில முன்னாள் அமைச்சரும், பாஜக மூத்த தலைவருமான லால் சிங் தலைமையில் அக்கட்சியினர் பேரணி நடத்தினர்.
அப்போது, அவரது இளைய சகோதரர் செüத்ரி ரவீந்தர் சிங் வாகனம் ஒன்றின் மீது ஏறி நின்று மாநில முதல்வர் மெஹபூபா முஃப்தியை தரம் தாழ்ந்த சொற்களால் திட்டியதாகத் தெரிகிறது. இதற்கு அருகில் இருந்தவர்கள் அனைவரும் கரவொலி எழுப்பினர்.
இதுதொடர்பான விடியோ பதிவு தற்போது வேகமாகப் பரவி வருகிறது. பாஜக தலைவரின் சகோதரரின் நடவடிக்கைக்கு பல்வேறு தரப்பிலும் கடும் கண்டனங்கள் எழுந்துள்ளன.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.