உத்தரப்பிரதேசத்தில் நிறுத்தி வைக்கப்பட்டிருந்த பயணிகள் ரயிலில் திடீர் தீ

உத்தரப்பிரதேசத்தில் நிறுத்தி வைக்கப்பட்டிருந்த பயணிகள் ரயிலில் தீப்பற்றியதால் பரபரப்பு ஏற்பட்டது.

உத்தரப்பிரதேசம் மாநிலம், ஜான்சி ரயில் நிலையத்தில் நிறுத்தி வைக்கப்பட்டிருந்த பயணிகள் ரயிலில் நேற்றிரவு திடீரென தீப்பிடித்தது. உடனே இதுகுறித்து தீயணைப்புபடையினருக்கு தகவல் அளிக்கப்பட்டது. 

தகவலின் பேரில் அங்கு வந்த தீயணைப்பு வீரர்கள் கடும் போராட்டத்துக்கு பிறகு தீயை அணைத்தனர். விபத்து குறித்து விசாரணைக்கு உத்தரவிடப்பட்டுள்ளது. மின் கசிவு காரணமாக தீவிபத்து ஏற்பட்டிருக்கலாம் எனக் கூறப்படுகிறது.