நாடாளுமன்றத் தேர்தலில் காங்கிரஸ் சார்பாக களமிறங்கப் போகும் கமலின் கதாநாயகி 

மும்பை: விரைவில் நடைபெற உள்ள நாடாளுமன்றத் தேர்தலில் மும்பையில் காங்கிரஸ் சார்பாக கமலின் கதாநாயகி ஒருவர் களமிறங்கப் போவதாக தகவல்கள் வெளிவந்துள்ளது.

பாஜக ஆட்சியில் இருக்கும் மும்பையில் உள்ள ஆறு நாடாளுமன்றத் தொகுதிகளுக்கு, மஹாரஷ்டிரா மாநிலத்தில் உள்ள இதர  17 தொகுதிகளுடன் சேர்ந்து வரும் ஏப்ரல் 29-ஆம் தேதியன்று நான்காவது கட்ட த்தில்  தேர்தல் நடைபெற உள்ளது.

இந்நிலையில் மும்பையில் உள்ள தொகுதியொன்றில் காங்கிரஸ் சார்பாக கமலின் கதாநாயகி ஒருவர் களமிறங்கப் போவதாக செய்திகள் வந்துள்ளது.       

மும்பை வடக்கு நாடாளுமன்றத் தொகுதியில் பிரபல பாலிவுட நடிகையான ஊர்மிளா மடோன்கர் காங்கிரஸ் சார்பாக களமிறங்க உள்ளதாக காங்கிரஸ் வட்டாரங்கள் தெரிவிக்கின்றன.

இதுதொடர்பாக மும்பை காங்கிரஸ் தலைவர் சஞ்சய் நிருபம், மாநில காங்கிரஸ் செய்தித் தொடர்பாளர்கள் மற்றும் ஊர்மிளாவின் குடும்பம் ஆகிய தரப் புகளை த் தொடர்பு கொண்ட போது இருந்து கருத்துகள் எதுவும் கூறப்படவில்லை.

ஆனால் ஊர்மிளா மடோன்கரின் பெயர் இறுதிக் கட்டப் பரிசீலனையில் இருப்பதாகவும், மிக விரைவில் முடிவு அறிவிக்கப்படும் என்றும் தகவலறிந்த வட்டாரங்கள் தெரிவிக்கின்றன.

1980-ஆம் ஆண்டு 'ஜாகோல்' என்னும் மராத்தி திரைப்படத்தில் குழந்தை நட்சத்திரமாக அறிமுகமான ஊர்மிளா, பின்னர் பாலிவுட்டில் புகழ்பெற்ற நடிகையாக வலம் வந்தார். 1994-ஆம் ஆண்டு ஷங்கர் இயக்கத்தில் வெளியான கமலின் 'இந்தியன்'  திரைப்படத்தில் அவருக்கு ஜோடியாக நடித்தார்.