புது தில்லி: பாஜக தேசியத் தலைவர் அமித் ஷா மத்திய அமைச்சரவையில் இடம் பெற உள்ளார் என்பதை உறுதி செய்வதைப் போல , குஜராத் மாநில பாஜக தலைவர் ஒருவர் ட்வீட் செய்துள்ளார்.
நாடாளுமன்றத் தேர்தலில் வெற்றி பெற்ற நரேந்திர மோடி தலைமையிலான் பாஜக அரசு வியாழன் மாலை 7 மணி அளவில் பதவியேற்க உள்ளது. இந்த அமைச்சரவையில் பாஜக தேசியத் தலைவர் அமித் ஷா இடம்பெறுவார் என்ற ஹேஷ்யங்கள் பாஜக வட்டாரத்தில் உலவி வந்தன.
இந்நிலையில் பாஜக தேசியத் தலைவர் அமித் ஷா மத்திய அமைச்சரவையில் இடம் பெற உள்ளார் என்பதை உறுதி செய்வதைப் போல , குஜராத் மாநில பாஜக தலைவர் ஒருவர் ட்வீட் செய்துள்ளார்.
"அமித்ஷாவை சந்தித்து மத்திய அமைச்சரவையில் இடம்பிடித்ததற்கு வாழ்த்துகள் தெரிவித்தேன்" என்று குஜராத் பாஜக தலைவர் ஜித்து வகானி சற்று முன்னர் ட்வீட் செய்துள்ளார்.
அதன்படி மத்திய அமைச்சரவையில் இடம் பெறவுள்ள அமித்ஷாவுக்கு நிதி அமைச்சர் பதவி கிடைக்கும் என தில்லி வட்டாரங்கள் தகவல் தெரிவிக்கின்றன.
அதேசசமயம் மத்திய சுகாதாரத்துறை அமைச்சராக பதவி வகித்த ஜே.பி. நட்டா, பாஜக தலைவராக நியமிக்கப்படவுள்ளதாகவும் தகவல்கள் தெரிவிக்கின்றன.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.