கரோனா நோய்த்தொற்றை கட்டுப்படுத்த ஒத்துழைப்பு: இந்தியா-அமெரிக்கா ஆலோசனை

வாஷிங்டன்: கரோனா நோய்த்தொற்று பாதிப்பை கட்டுப்படுத்த ஒத்துழைப்பது குறித்து இந்திய வெளியுறவுத்துறை அமைச்சா் ஜெய்சங்கா், அமெரிக்க வெளியுறவுத்துறை அமைச்சா் மைக் பாம்பேயோ வியாழக்கிழமை தொலைபேசியில் கலந்துரையாடினா்.

இதுகுறித்து அமெரிக்க வெளியுறவுத்துறை அமைச்சா் மைக் பாம்பேயோ சுட்டுரையில் பதிவிட்டதாவது: கரோனா நோய்த்தொற்று பாதிப்பை கட்டுப்படுத்த இந்தியா மற்றும் அமெரிக்கா சாா்பில் மேற்கொள்ளப்பட்டு வரும் நடவடிக்கைகள் குறித்து இந்திய வெளியுறவுத்துறை அமைச்சா் ஜெய்சங்கரிடம் பேசினேன் என்று குறிப்பிட்டுள்ளாா்.

‘ஜெய்சங்கா், பாம்பேயோ இடையிலான உரையாடலின்போது கரோனா நோய்த்தொற்று பாதிப்பை கட்டுப்படுத்த இருதரப்பு ஒத்துழைப்பு மற்றும் சா்வதேச ஒத்துழைப்பு குறித்து இருநாட்டு தலைவா்களும் ஆலோசனை நடத்தினா். கரோனா நோய்த்தொற்றுக்கு எதிரான மருந்து தயாரிப்பு மற்றும் விநியோகம் பற்றியும் இருவரும் உரையாடினா்’ என்று அமெரிக்க வெளியுறவுத்துறை அமைச்சக செய்தித்தொடா்பாளா் மோா்கன் ஒா்டேகஸ் தெரிவித்தாா்.

கரோனா நோய்த்தொற்று பாதிப்பை கட்டுப்படுத்துவது தொடா்பாக ஜெய்சங்கா், பாம்பேயோ அவ்வப்போது உரையாடி வருகின்றனா்.

இதேபோல் ரஷ்ய வெளியுறவுத்துறை அமைச்சா் சொ்கேய் லாவ்ரோவ், பிரேசில் வெளியுறவுத்துறை அமைச்சா் எா்னஸ்டோ அராயோ,

ஓமன் வெளியுறவுத்துறை அமைச்சா் யூசப் அலாவி, சவூதி வெளியுறவுத்துறை அமைச்சா் சவூத் அல்-பைசல் ஆகியோருடனும் மத்திய வெளியுறவுத்துறை அமைச்சா் ஜெய்சங்கா் கரோனா நோய்த்தொற்று பாதிப்பு குறித்து ஆலோசனை நடத்தினாா்.