ஆப்கனில் தலிபான் தாக்குதல்: 2 பேர் பலி, மூவர் காயம்

ஆப்கானிஸ்தானில் தலிபான் தீவிரவாதிகள் நடத்திய தாக்குதலில் இரண்டு ஆப்கன் வீரர்கள் பலியாகியுள்ளனர். 

காஸ்னியின் அந்தார் மாவட்டத்தில் இராணுவத் தளத்தின் மீது தலிபான் தீவிரவாதிகள் தாக்குதல் நடத்தினர். இந்த தாக்குதலில் 2 ஆப்கான் வீரர்கள் கொல்லப்பட்டனர். மூவர் காயமடைந்துள்ளனர் என்று பாதுகாப்பு அமைச்சகம் புதன்கிழமை தெரிவித்துள்ளது. 

மேலும், தலிபான் தற்கொலை படையினர் குண்டு வெடிப்பு நிகழ்த்துவதற்குள், அது தடுத்துநிறுத்தப்பட்டுள்ளது என்று அமைச்சகம் தெரிவித்தது.