அமெரிக்க அதிபர் டொனால்ட் டிரம்ப் மற்றும் அவரது மனைவி மெலானியா டிரம்ப்பின் தாஜ்மஹால் பயணத்தின்போது பிரதமர் நரேந்திர மோடி அவர்களுடன் செல்ல மாட்டார் எனத் தகவல் வெளியாகியுள்ளது.
அமெரிக்க அதிபர் டொனால்ட் டிரம்ப், அவரது மனைவி மெலானியா டிரம்ப் ஆகியோர் பிப்ரவரி 24, 25 ஆகிய தேதிகளில் அரசுமுறைப் பயணமாக இந்தியா வரவுள்ளனர். இந்தப் பயணத்தின்போது அவர்கள் தில்லி மற்றும் ஆமதாபாத்துக்குச் செல்லவுள்ளனர். இந்தப் பயணத்தின் முதல் நாளிலேயே டொனால்ட் டிரம்ப் மற்றும் மெலானியா டிரம்ப் ஆகியோர் தாஜ்மஹாலுக்குச் செல்கின்றனர். இவர்களுடன் பிரதமர் நரேந்திர மோடியும் உடன் செல்வதாகத் தகவல்கள் வெளியானது.
ஆனால், தாஜ்மஹால் பயணத்தின்போது பிரதமர் நரேந்திர மோடி அவர்களுடன் செல்லவில்லை என அரசுத் தரப்பு வட்டாரங்கள் ஏஎன்ஐ செய்தி நிறுவனத்திடம் தெரிவித்துள்ளனர்.