லடாக்கில் மிதமான நிலநடுக்கம்

லடாக் யூனியன் பிரதேசத்தில் இன்று அதிகாலை மிதமான நிலநடுக்கம் உணரப்பட்டது. 

லடாக் யூனியன் பிரதேசத்தின் நகரின் கிழக்குப்பகுதியில் இன்று அதிகாலை நிலநடுக்கம் ஏற்பட்டது. லே பகுதியில் இருந்து 174 கி.மீ தொலைவில் ஏற்பட்ட இந்த நிலநடுக்கமானது ரிக்டர் அளவில் 5.1ஆக பதிவானதாக இந்திய புவியியல் ஆய்வு மையம் தெரிவித்துள்ளது. 

நிலநடுக்கத்தைத் தொடர்ந்து வீடுகள் மற்றும் கட்டடங்கள் அதிர்ந்ததால் மக்கள் பீதி அடைந்தனர். எனினும் சேதம் எதுவும் ஏற்பட்டதாக தகவல் எதுவும் வெளியாகிவில்லை. கடந்த ஒரு வாரத்தில் லடாக்கில் ஏற்படும் 2ஆவது நிலநடுக்கம் இதுவாகும்.