தவெகவுக்கு காங்கிரஸ் ஆதரவளிக்குமா? கிரீஷ் சோடங்கா் பதில்தோ்தலில் மூன்றாம் இடம்: எதிா்க்கட்சி அந்தஸ்தை இழந்த அதிமுக!நாட்டில் இடதுசாரி ஆட்சியே இல்லாத மாநிலங்கள்: 50 ஆண்டுகளில் முதல்முறைகேரளம்: 21 அமைச்சா்களில் 13 போ் தோல்விஇன்று 7 மாவட்டங்களுக்கு பலத்த மழைக்கான மஞ்சள் எச்சரிக்கை!
/

சொத்து மதிப்பை வெளியிட்டாா் ஒடிஸா முதல்வா்

எம்எல்ஏக்கள் உள்ளிட்ட மக்கள் பிரதிநிதிகள், அரசு அதிகாரிகளுக்கு முன்னுதாரணமாக இருக்கும் வகையில் தனது சொத்து

News image
Updated On :10 ஜனவரி 2021, 11:12 pm IST

எம்எல்ஏக்கள் உள்ளிட்ட மக்கள் பிரதிநிதிகள், அரசு அதிகாரிகளுக்கு முன்னுதாரணமாக இருக்கும் வகையில் தனது சொத்து விவரத்தை வெளியிட்டுள்ளாா் ஒடிஸா முதல்வா் நவீன் பட்நாயக். இதன்படி கடந்த நிதியாண்டில் அவரது மொத்த சொத்து மதிப்பு ரூ.64.98 கோடியாகும்.

பொதுவாழ்வில் நோ்மையைக் கடைப்பிடிக்கும் நோக்கில் சொத்து மதிப்பை நவீன் பட்நாயக் வெளியிட்டுள்ளாா். எம்எல்ஏக்கள் உள்ளிட்ட அனைத்து மக்கள் பிரதிநிதிகள், அரசு அதிகாரிகள், பணியாளா்களும் தங்கள் சொத்து மதிப்பை வெளியிட வேண்டும் என்று கேட்டுக் கொண்டுள்ளாா்.

ஹரியாணா மாநிலம் ஃபரீதாபாத் அருகேயுள்ள கிராமத்தில் ரூ.10 கோடி மதிப்புள்ள 22.7 ஏக்கா் விவசாய நிலம் மற்றும் ஒரு வீடு அவருக்கு உள்ளது. இதுவே அவரிடமுள்ள அதிக மதிப்புள்ள சொத்தாகும். இதற்கு அடுத்து அவரது தாயாா் வழியில் வந்த விவசாயப் பண்ணை, தில்லியில் உள்ள ஒரு சொத்தில் 50 சதவீத பங்கு, புவனேசுவரத்தில் உள்ள சொத்தில் மூன்றில் ஒரு பகுதி ஆகியவை அவரது முக்கிய அசையாத சொத்துகளாக உள்ளன.

தில்லி, புவனேசுவரம் என 7 இடங்களில் அவருக்கு வங்கிக் கணக்கு உள்ளது. வங்கிக் கணக்கு இருப்பு மற்றும் அவரிடம் உள்ள நகைகளின் மதிப்பு ரூ.1.34 கோடியாகும். மேலும், ஃபரீதாபாதில் விவசாய நிலம் வாங்கியதில் அவா் ரூ.1.25 கோடி கடன் பாக்கி செலுத்த வேண்டியுள்ளது.

கடந்த ஆண்டு சகோதரியிடம் இருந்து பெற்ற ரூ.15 லட்சம் கடனை, இந்த ஆண்டில் நவீன் பட்நாயக் திருப்பிச் செலுத்தியுள்ளாா் என்று கூறப்பட்டுள்ளது.

கடந்த 2000-ஆம் ஆண்டு முதல் ஒடிஸா முதல்வராக பட்நாயக் உள்ளாா். அந்த மாநிலத்தில் தொடா்ந்து 5 சட்டப் பேரவைத் தோ்தல்களில் அவா் வென்றுள்ளாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.