மருத்துவ ஆக்ஸிஜன் விநியோகம் 4 மடங்கு அதிகரிப்பு: அரசு தகவல்

கரோனா பெருந்தொற்றால் பாதிக்கப்பட்டவர்களுக்கு சிகிச்சை அளிக்கத் தேவையான ஆக்ஸிஜன் அளவு 4 மடங்கு அதிகரித்துள்ளதாக அரசு தெரிவித்துள்ளது.

கடந்த பிப்ரவரி மாதம் ஒரு நாளில் 1,273 மெட்ரிக் டன் ஆக்ஸிஜன் விநியோகம் செய்யப்பட்டது. ஆனால் ஏப்ரல் 17-ம் தேதி 4,739 மெட்ரிக் டன் ஆக்ஸிஜன் விநியோகிக்கப்பட்டுள்ளது என்று அரசு புள்ளி விவரங்கள் தெரிவிக்கின்றன.

படிக்க: புலம்பெயர் தொழிலாளர்கள் சென்ற பேருந்து கவிழ்ந்தது: மூவர் பலி

கரோனாவால் பாதிக்கப்படுவோர் எண்ணிக்கை நாடு முழுவதும் மீண்டும் அதிகரித்து வருகிறது. அவர்களுக்கு சிகிச்சை அளிக்க வழங்கப்பட்டு வரும் ஆக்ஸிஜன் அளவில் பல்வேறு மாநிலங்களில் பற்றாக்குறை ஏற்பட்டுள்ளது.

படிக்க: மருத்துவமனையில் அனுமதிக்க ரூ.60,000 லஞ்சம்

அதனைத் தடுக்க ஆக்ஸிஜன் ஏற்றுமதிக்கு தடை விதித்து உற்பத்தியை அதிகரிக்க அரசு நடவடிக்கை மேற்கொண்டுள்ளது. மேலும் இந்தியன் ஆயில், பாரத் பெட்ரோலியம் போன்ற பல்வேறு தனியார் நிறுவனங்களும் மருத்துவமனைகளுக்கு ஆக்ஸிஜன் வழங்க முன்வந்துள்ளன.