மார்க்சிஸ்ட் கம்யூனிஸ்ட் கட்சிக்கு 5 தொகுதிகள் - திமுகவுடன் தொகுதிப் பங்கீடுதொகுதிகள் எத்தனை? நாளை (மார்ச் 24) மாலை 4 மணிக்கு அதிமுக மாவட்ட செயலாளர்கள் கூட்டம்! கேரள பேரவைத் தேர்தலில் 85% வாக்குப்பதிவு இலக்கு! - தேர்தல் ஆணையம்போர்ப் பதற்றம் : ஃபிடே கேண்டிடேட்ஸ் போட்டியிலிருந்து கொனேரு ஹம்பி விலகல்!போர் நிறுத்தம் குறித்து அமெரிக்காவுடன் பேச்சுவார்த்தை நடைபெறவில்லை : ஈரான்போர் நிறுத்தம் : இறங்கிய வேகத்தில் ஏறிய தங்கம் விலை! ரூ. 5,360 ஏற்றம்!மேற்காசியாவில் கொல்லப்பட்ட இந்தியர்கள் விவரம்: வெளியுறவு அமைச்சகம் வெளியீடு!சாத்தான்குளம் தந்தை, மகன் கொலை வழக்கு: 9 பேரும் குற்றவாளிகள்! ஈரான் போர் தற்காலிகமாக 5 நாள்களுக்கு நிறுத்தம்! டிரம்ப் அறிவிப்புபாஜகவுக்கு 27, பாமகவுக்கு 18, அமமுகவுக்கு 11 தொகுதிகள் ஒதுக்கீடு!மேற்காசியப் போரால் பொருளாதார பாதிப்பு! மக்களவையில் மோடி உரை! அமெரிக்காவில் தீயணைப்பு வாகனம் மீது விமானம் மோதி விபத்து தில்லி குண்டுவெடிப்பு வழக்கு: காஷ்மீரின் பல்வேறு இடங்களில் என்ஐஏ சோதனை பட்டியலின இளம்பெண் தற்கொலை: திருமாவளவனுக்கு இபிஎஸ் கேள்வி
/

மேக்கேதாட்டு அணை திட்டத்தை எதிா்க்க வேண்டாம்: தமிழக முதல்வா் மு.க.ஸ்டாலினுக்கு கா்நாடக முதல்வா் எடியூரப்பா கடிதம்

மேக்கேதாட்டில் அணை கட்டும் திட்டத்தை எதிா்க்க வேண்டாம் என்று வேண்டுகோள் விடுத்து, தமிழக முதல்வா் மு.க.ஸ்டாலினுக்கு கா்நாடக முதல்வா் எடியூரப்பா கடிதம் எழுதியுள்ளாா்.

News image
Updated On :3 ஜூலை 2021, 6:30 pm

DIN

மேக்கேதாட்டில் அணை கட்டும் திட்டத்தை எதிா்க்க வேண்டாம் என்று வேண்டுகோள் விடுத்து, தமிழக முதல்வா் மு.க.ஸ்டாலினுக்கு கா்நாடக முதல்வா் எடியூரப்பா கடிதம் எழுதியுள்ளாா்.

தமிழக முதல்வராகப் பொறுப்பேற்ற பிறகு முதல் முறையாக புதுதில்லி சென்று பிரதமா் மோடியைச் சந்தித்த மு.க.ஸ்டாலின், காவிரி ஆற்றுப்படுகையில் கா்நாடக அரசு செயல்படுத்தத் திட்டமிட்டுள்ள மேக்கேதாட்டு அணை திட்டத்துக்கு மத்திய அரசு அனுமதி அளிக்கக் கூடாது என்று வலியுறுத்தினாா். இதற்கு எதிா்வினையாற்றிய கா்நாடகத் தலைவா்கள், மேக்கேதாட்டு அணை திட்டத்தைச் செயல்படுத்துவதால் தமிழகத்துக்கு எவ்வித பாதிப்பும் இல்லை என்று கூறியிருந்தனா்.

இந்நிலையில், மேக்கேதாட்டில் அணை கட்டும் திட்டம் குறித்து தமிழக முதல்வா் மு.க.ஸ்டாலினுக்கு, கா்நாடக முதல்வா் எடியூரப்பா கடிதம் எழுதியுள்ளாா். அந்தக் கடிதத்தில் கூறியிருப்பதாவது:

கா்நாடகத்தின் மேக்கேதாட்டு அணை மற்றும் குடிநீா்த் திட்டம் தொடா்பாக இந்தக் கடிதத்தை எழுதுகிறேன். காவிரி நடுவா் மன்றத்தின் இறுதித் தீா்ப்பு மற்றும் அதில் உச்சநீதிமன்றம் செய்துள்ள திருத்தத்தின்படி தமிழகத்துக்கு வழங்கப்பட்ட தண்ணீரை ஒழுங்குமுறைப் படுத்துவதற்காகவே மேக்கேதாட்டு அணை மற்றும் குடிநீா்த் திட்டத்தை வகுத்துள்ளோம்.

2018-ஆம் ஆண்டு பிப். 16-ஆம் தேதி உச்சநீதிமன்றம் அளித்த தீா்ப்பின்படி, பெங்களூா் முழு நகரம் உள்ளிட்ட கா்நாடக மக்களின் உள்ளூா் குடிநீா்த் தேவைகளை நிறைவேற்றுவதற்காக கூடுதலாக ஒதுக்கப்பட்ட 4.75 டிஎம்சி நீரைப் பயன்படுத்திக் கொள்ளவும், 400 மெகா வாட் நீா்மின் உற்பத்தி செய்வதற்காகவும் இத் திட்டம் வகுக்கப்பட்டுள்ளது.

உண்மையான நிலவரம் இப்படி இருப்பதால், மேக்கேதாட்டு அணை கட்டும் திட்டத்தை அமல்படுத்துவதால் தமிழக வேளாண் மக்களின் நலன் எவ்வகையிலும் பாதிக்கப்படாது.

இந்த நிலையில், மேக்கேதாட்டு அணை திட்டத்துக்கு எதிராக உச்சநீதிமன்றத்தில் மனு ஒன்றை தமிழக அரசு தாக்கல் செய்துள்ளது. இதனிடையே, சுற்றுச்சூழல் விளைவுகளுக்கான ஆய்வில்

(உய்ஸ்ண்ழ்ா்ய்ம்ங்ய்ற்ஹப் ஐம்ல்ஹஸ்ரீற் அள்ள்ங்ள்ள்ம்ங்ய்ற்) ஈடுபடுவதற்கான குறிப்புரைக்கான விதிமுறைகளுக்கு (பங்ழ்ம்ள் ா்ச் தங்ச்ங்ழ்ங்ய்ஸ்ரீங்) ஒப்புதல் தரக் கோரி மத்திய அரசிடம் கா்நாடக அரசு மனுத் தாக்கல் செய்திருப்பது தாங்கள் அறிந்ததே.

தமிழகத்தில் காவிரி ஆற்றுப்படுகையில் உள்ள பவானி துணை ஆற்றுப்படுகையில் சில்லஹள்ளா நீா் மின்னாக்கத் திட்டம், குந்தா நீா் மின்னாக்கத் திட்டம் ஆகிய இரண்டு நீா் மின்னாக்கத் திட்டங்களைச் செயல்படுத்த தமிழக அரசு திட்டமிட்டுள்ளது.

குந்தா நீா்மின்னாக்கத் திட்டத்துக்கான சுற்றுச்சூழல் அனுமதியை 2021-ஆம் ஆண்டு பிப். 12-ஆம் தேதி மத்திய சுற்றுச்சூழல் துறை வழங்கியுள்ளது. சில்லஹள்ளா நீா்மின்னாக்கத் திட்டம் தற்போது மத்திய சுற்றுச்சூழல் துறையின் நிபுணா் மதிப்பீட்டுக் குழுவின் பரிசீலனையில் உள்ளது.

காவிரி ஆற்றுப்படுகையில் திட்டமிட்டுள்ள இந்த இரு திட்டங்கள் குறித்து தமிழக அரசு, கா்நாடக அரசுடன் கலந்து பேசவும் இல்லை அல்லது சம்மதம் பெறவும் இல்லை. சென்னை உயா்நீதிமன்றத்தில் ரிட் மனு மீதான விசாரணையில் தமிழக அரசு தாக்கல் செய்துள்ள பதில் பிரமாணப் பத்திரத்தில் மேட்டூருக்கு கீழ்ப் பகுதியில் பிரதான ஆற்றுப் பகுதியில் மேலும் பல திட்டங்களைச் செயல்படுத்த இருப்பதாக தெரிவிக்கப்பட்டுள்ளது.

இந்தச் சூழ்நிலையில், மேக்கேதாட்டு அணை திட்டத்தைச் செயல்படுத்த, நல்லெண்ணத்தின் அடிப்படையில் தமிழக அரசு எதிா்ப்புத் தெரிவிக்காமல் இருந்தால், அது சம்பந்தப்பட்டவா்களின் நலன் காப்பதாகவும், கா்நாடகம் மற்றும் தமிழகத்தின் உறவை மேம்படுத்துவதாகவும் இருக்கும்.

ஒருவேளை ஏதாவது பிரச்னை இருக்கும் பட்சத்தில், அது சம்பந்தமான சந்தேகங்களை போக்கிக்கொள்ள சம்பந்தப்பட்ட அதிகாரிகளின் முன்னிலையில் இரு தரப்புக்கும் இடையிலான பேச்சுவாா்த்தையை நடத்தலாம் என்று கடிதத்தில் தெரிவித்துள்ளாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.