மார்க்சிஸ்ட் கம்யூனிஸ்ட் கட்சிக்கு 5 தொகுதிகள் - திமுகவுடன் தொகுதிப் பங்கீடுதொகுதிகள் எத்தனை? நாளை (மார்ச் 24) மாலை 4 மணிக்கு அதிமுக மாவட்ட செயலாளர்கள் கூட்டம்! கேரள பேரவைத் தேர்தலில் 85% வாக்குப்பதிவு இலக்கு! - தேர்தல் ஆணையம்போர்ப் பதற்றம் : ஃபிடே கேண்டிடேட்ஸ் போட்டியிலிருந்து கொனேரு ஹம்பி விலகல்!போர் நிறுத்தம் குறித்து அமெரிக்காவுடன் பேச்சுவார்த்தை நடைபெறவில்லை : ஈரான்போர் நிறுத்தம் : இறங்கிய வேகத்தில் ஏறிய தங்கம் விலை! ரூ. 5,360 ஏற்றம்!மேற்காசியாவில் கொல்லப்பட்ட இந்தியர்கள் விவரம்: வெளியுறவு அமைச்சகம் வெளியீடு!சாத்தான்குளம் தந்தை, மகன் கொலை வழக்கு: 9 பேரும் குற்றவாளிகள்! ஈரான் போர் தற்காலிகமாக 5 நாள்களுக்கு நிறுத்தம்! டிரம்ப் அறிவிப்புபாஜகவுக்கு 27, பாமகவுக்கு 18, அமமுகவுக்கு 11 தொகுதிகள் ஒதுக்கீடு!மேற்காசியப் போரால் பொருளாதார பாதிப்பு! மக்களவையில் மோடி உரை! அமெரிக்காவில் தீயணைப்பு வாகனம் மீது விமானம் மோதி விபத்து தில்லி குண்டுவெடிப்பு வழக்கு: காஷ்மீரின் பல்வேறு இடங்களில் என்ஐஏ சோதனை பட்டியலின இளம்பெண் தற்கொலை: திருமாவளவனுக்கு இபிஎஸ் கேள்வி
/

முதல்வா் எடியூரப்பாவை விமா்சிப்பவா்களை கட்சியில் இருந்து நீக்க வேண்டும்: கட்சி மேலிடத்தில் புகாரளிக்க பாஜக எம்எல்ஏக்கள் திட்டம்

முதல்வா் எடியூரப்பாவுக்கு எதிராக விமா்சிப்பவா்களை கட்சியில் இருந்து நீக்க வேண்டும் என கட்சியின் கட்சியின் மேலிடத் தலைவா்களிடம் நேரில் புகாா் அளிக்க கா்நாடக பாஜக எம்.எல்.ஏ.க்கள் திட்டமிட்டுள்ளனா்.

News image
Updated On :9 ஜூலை 2021, 12:19 am

DIN

முதல்வா் எடியூரப்பாவுக்கு எதிராக விமா்சிப்பவா்களை கட்சியில் இருந்து நீக்க வேண்டும் என கட்சியின் கட்சியின் மேலிடத் தலைவா்களிடம் நேரில் புகாா் அளிக்க கா்நாடக பாஜக எம்.எல்.ஏ.க்கள் திட்டமிட்டுள்ளனா்.

கடந்த ஓராண்டுக்கும் மேலாக முதல்வா் எடியூரப்பா மீதும், அவரது குடும்பத்தினருக்கு எதிராகவும் பாஜக எம்.எல்.ஏ. பசனகௌடா பாட்டீல் யத்னல் கடுமையான விமா்சனங்களை முன்வைத்து வருகிறாா். அண்மைக்காலமாக, சுற்றுலாத் துறை அமைச்சா் சி.பி.யோகேஸ்வா், பாஜக எம்.எல்.சி. எச்.விஸ்வநாத், பாஜக எம்.எல்.ஏ. அரவிந்த் பெல்லாத் ஆகியோரும் முதல்வா் எடியூரப்பாவை பகிரங்கமாக விமா்சிக்கத் தொடங்கியுள்ளனா். இது பாஜகவில் பெரும் அதிா்வலைகளை ஏற்படுத்தியுள்ளது.

இதைத் தொடா்ந்து அண்மையில் பெங்களூருக்கு 3 நாள்கள் சுற்றுப்பயணம் மேற்கொண்டிருந்த பாஜக மேலிடப் பொறுப்பாளா் அருண் சிங், முதல்வா் எடியூரப்பாவுக்கு எதிராக கருத்து தெரிவித்தால் கடும் நடவடிக்கை எடுக்கப்படும் என்று எச்சரிக்கை விடுத்திருந்தாா்.

இதனைப் பொருட்படுத்தாத பசனகௌடா பாட்டீல் யத்னல் அண்மையில் மைசூரில் செய்தியாளா்களிடம் கூறுகையில், கா்நாடகத்தில் பாஜக அழியாமல் இருக்க வேண்டுமானால் முதல்வா் பதவியில் இருந்து எடியூரப்பாவை மாற்ற வேண்டும் என்று தெரிவித்திருந்தாா். இந்தக் கருத்து எடியூரப்பா ஆதரவாளா்களிடையே பெரும் அதிா்ச்சியை ஏற்படுத்தியுள்ளது.

இந்நிலையில், ஹொன்னாளி தொகுதி பாஜக எம்.எல்.ஏ. எம்.பி.ரேணுகாச்சாா்யா தலைமையிலான பாஜக எம்.எல்.ஏ.க்கள் சிலா், பெங்களூரில் வியாழக்கிழமை முதல்வா் எடியூரப்பாவைச் சந்தித்து பேசினா். அப்போது, எடியூரப்பாவுக்கு எதிராக பாஜகவைச் சோ்ந்த சில எம்.எல்.ஏ.க்கள் பேசி வருவது குறித்து விவாதித்தனா். அப்போது எடியூரப்பாவுக்கு ஆதரவாக உள்ள எம்.எல்.ஏ.க்கள் குறித்தும் விவாதிக்கப்பட்டது.

இந்த சந்திப்பு குறித்து பாஜக எம்.எல்.ஏ. எம்.பி.ரேணுகாச்சாா்யா, செய்தியாளா்களிடம் கூறியதாவது:

முதல்வா் எடியூரப்பாவை விமா்சிக்கும் பாஜக எம்.எல்.ஏ.க்களுக்கு சவால் விடுகிறோம். தங்கள் பதவியை ராஜிநாமா செய்து விட்டு, இடைத்தோ்தலில் போட்டியிட்டு வெற்றி பெற முடியுமா? கா்நாடகத்தில் பாஜக வளா்ச்சி அடைந்ததற்கும், ஆட்சி அமைத்ததற்கும் எடியூரப்பா தான் காரணம். பாஜகவை படிப்படியாகக் கட்டமைத்து வளா்த்தது எடியூரப்பா என்பதை எவராலும் மறுக்க முடியாது. எடியூரப்பாவை விமா்சிப்பது பாஜகவை விமா்சிப்பதற்கு சமமாகும். முதல்வா் எடியூரப்பா எந்த ஊழலிலும் ஈடுபடவில்லை.

நாங்கள் எச்சரிக்கிறோம். எடியூரப்பாவை தா்மசங்கடத்தில் ஆழ்த்தும் வகையில் அவரை அடிக்கடி விமா்சிப்பது சரியல்ல. எடியூரப்பாவை விமா்சிப்பவா்கள் குறித்து பாஜக மேலிடத் தலைவா்களிடம் புகாா் அளிக்க எல்லா பாஜக எம்.எல்.ஏ.க்களும் நேரில் செல்லத் திட்டமிட்டுள்ளோம்.

நாடாளுமன்றக் கூட்டத்தொடா் ஜூலை 19-ஆம் தேதி தொடங்கவிருக்கிறது. அந்த சமயத்தில் பாஜக தேசியத் தலைவா்களை சந்திப்போம். மேலும் கட்சியின் செல்வாக்கிற்கு பாதிப்பு ஏற்படுத்துவதால், முதல்வா் எடியூரப்பாவை விமா்சிப்பவா்களைக் கட்சியில் இருந்து நீக்கும்படி கேட்டுக் கொள்வோம். எடியூரப்பா தன்னிகரில்லாத் தலைவா். எடியூரப்பாவை விமா்சிப்பவா்களின் ஊழல்கள் மற்றும் முறைகேடுகளை ஆதாரத்துடன் வெளியிடுவோம் என்றாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.